5年間總共儲咗18注，另加中途換過1,200股股代息儲到E+，除咗16年3月果注特大注嘅定海神針注之外，其餘17注全部虧損離場，扣埋股代息部分，呢次走貨賬面都要輸成6萬幾，痛到不要不要。
痛係因為 投入本多時間多，可惜利錢少。匯豐呢個投資，計返呢幾年無股代息，已經落咗袋果 D仲叫賺少少，算係可以打下飛機自 J，我呸~ 呢D飛機 J 黎有7用，當我無講。
呢次清倉匯豐主要喺怕人禍，範圍太廣唔可以唔小心為上，點解話係人禍？一圖說之~
其次，啊爺要撐HK其實好多方法，不過調轉俾機會啊爺逗住HK個春袋，名為"抗疫停自由行"，呢尾藥我怕唔係人人受得到。再者，沙士有啊爺飯都未食飽關照食魚翅嘅焗撐，呢次係啊爺都唔多掂。所以趁唔係輸得好多，換返茄薯防身，或者擺下定期定定驚，以圖他日東山再起。
最後自己提自己一句：知命者，催吉避兇，保存實力，待時而起，順求利，逆求存~