指數股建行(0939)今日收市價@8.48 ，創7年半新高。
今日竟然成為繼2桶油之後，現存艙底第三隻翻倍嘅收息股。
雖然咁升法搞到心思思想走，不過來張紀念圖 J 一下先！
2025年7月10日星期四
2025年7月1日星期二
回老王兄，馬膠濠字2期的小見解
Quoted：
“想請教雲兄覺得濠字2期, 1900 尺, 咩價位岩數? 最近有個898 向海, 真係靚仔”
“另外時間點會否係新城A 落成之後一兩年? ”
首先澳門樓市升跌，要睇本地居民嘅風險偏好，當風險偏好擴張嘅時候，例如樓宇貸款上升，澳門樓自然會升；當風險偏好收縮嘅時候則自然下跌。
首先，如何判斷？
先看澳門整體存款數據如下：
根據澳門統計局數據，澳門澳門2025年第一季總存款數788,950M，比上季升3.5%左右，澳門呢幾年經濟無點增長，代表存量資金嘅選擇取向。再對比前幾年數據，明顯存入增速越來越快。
首先，如何判斷？
先看澳門整體存款數據如下：
根據澳門統計局數據，澳門澳門2025年第一季總存款數788,950M，比上季升3.5%左右，澳門呢幾年經濟無點增長，代表存量資金嘅選擇取向。再對比前幾年數據，明顯存入增速越來越快。
再看澳門居民物業按揭數據如下：
截至2025年4月底，未償還住宅按揭貸款總額2,143.9億元，與一年前比較減少5.3%；其中，居民部分佔96.7%，代表量縮。
然後看一般市民風險偏好選擇，例如是否考慮長期回報，定或者只看短期回報。
好明顯現在大家都係收縮狀態，前幾年D人買樓邊睇租金，只睇到下個月升幾多幾多。
我用Iphone舉例，以前每期Iphone新機出大把人出機，只要貴嘅不要對嘅。（呢D係擴張）
現在有新機出，D人會話，仲用得姐，等多2年先喇，講性價比。（呢D係收縮）
再例如旅行等等，最後都會傳遞到樓市上，當形成一個趨勢，就好難扭轉。
呢個係....................大環境。
其次，再看政府對樓市政策取向！
2025年6月19日星期四
2025年5月18日星期日
由何解鐘情HK地產股說起
在多年投資嘅歷程中，小弟經常喜歡分享投資地產股嘅看法。
現在地產板塊明明受多方面夾擊，前景並不明朗，就算見底看似需要更多時間才能重返高峰，甚至都不知能不能夠重返高峰。
有人問何解？明明市場上大把回報高穩定高嘅股票選擇，例如電訊股、石油股。
其實理由很簡單，原因是多年來都看淡樓市，現在終於爆發了，但電訊、石油已經是上一個故事了。下面簡單講下：
當年係大陸，睇到塊田旁邊起棟40層出來比比皆是，盲嘅都聞到有濃味。
香港，一間新樓開放式都成千萬起標，就明有幾誇張。
澳門，唐樓都話400萬，但人工得萬幾。
大陸經過一波野蠻擴張後，以恆大落幕標誌結束了。
既然看淡樓市，身體力行一定唔會輕易入局持有“資產”，但萬一看淡睇錯呢，怎辦？為了對沖呢個選擇，買入HK本地地產股就係一個好方法。
地產股只鐘情HK地產股有幾個優勢：
香港是世界第二經濟體裡面，頂部嘅城市，所有國家重要城市，樓價定會跟隨其經濟成長的。
經歷過9703、08年仍然屹立不倒嘅發展商，是經過錘煉剩低嘅老江湖，防守力可見非一般。
香港係龍頭，信息透明，資本壟斷。
發展商係賣麵包，買家係買麵包，在壟斷情況下，造麵包贏面大。
股息回報歷年都比租金回報高不少。
本身就有折讓，而且折讓部分，正是資產嘅護城河，容易粗略計算、模糊正確，大概有個"廊"。
風險分散，一般人買樓係 "All in" 再加槓桿，實質係搏一口。但股票可以分開10隻8隻買，而且香港有足夠嘅好公司給與選擇。
反正行業一但出事，磚頭都肯定走唔甩，持有磚頭嘅必定溫水煮蛙後知後覺，轉身難，特別情感方面嘅制約，等等。現市況就說明一切了。
而股票轉身成本低，呢方面配合分散優勢有奇效，當然前提係地產股你要有愛、有信念、有堅持。
問？ 何來的自信睇好地產股？
答：
2025年4月30日星期三
2025年3月26日星期三
長和(0001) 世紀大刁 錢見 $_$
長和(0001)突然公佈打包賣中國外嘅港口，引來官方喉舌口誅筆伐。
由世紀重組開始，小弟都有高位買過長和，然後敗走。
直到上年穿40果陣，又再追返少少貨。
老實講，長和底子真係厚，家珍多到不得了，詳細就唔講喇。
可惜大股東心思唔係股價到，搞到咁多年令好多粉絲失望。
呢次坊間分紅派梗係話老李賣國之類喇......
鐵粉就話再商言商......
有人睇好有人睇淡，每個方面都有人分析到。
由於有貨嘅關係，梗係希望佢成，先唔理分幾多特別息，就收返黎嘅錢夠還債呢下，真係嚇死人，其二賣件嘢就同成間公司市值差唔多，真係人都顛。
呢單刁如果成，日後盤數一定靚，最少每年等同債息幾乎已經無咁制，係動蕩環境，無債一身輕，咁之後嘅盈利就......
呢單刁，最大嘅風險，坊間都講漏咗一樣嘢，就係老李係成事之前跟四叔一起去笑看風雲。
本來大公子係啊爺開會期間，城哥親自去刁，咁咩都攬曬上身，大公子可以話係啊爸隔硬黎，推曬啊爺D咩溫馨提示，但如果大公子變成名義上一把手，咁就有壓力"撥亂反正"。
城哥的確勁，留比後代一盤靚棋局，所有動作都留下智慧嘅痕跡，一般人學到7、8成就已經畢生受用。
如果呢單刁成，2年內估計長和上升30%不是夢，就算唔成，跌返落去出消息前口價40，都係輸15%，呢次同一般企業事件唔同，呢D大公司可以大注落場，如果中嘅利潤肯定豐厚。
港股以後再出現呢種世紀級大刁，我睇唔到有邊間港企有咁嘅料子。
如果Onepiece白鬍子救哎C果役，比你有機會去現場，你去唔去？
你可以入海軍，鐘意企去白鬍子果邊做個船員仔，又或者提前埋伏係推進城，跟路飛同巴基上船就係。
 |
2025年3月14日星期五
2025年3月記錄
呢個月，長和(0001)突然話有世紀"大刁"，原本手上嘅雞肋貨，突然變成雞脾。點知啊爺揾打手發文，又跌返成半走。你老闆，作為超微股東，啊爺你咁有錢，出錢同黑石攆過咪係囉，搞鳩我地D蟹戶做乜撚嘢。
港股短期都keep到24000附近，相比前幾年，簡直強到無輪。但身邊散戶無咩點興奮，或者係之前艇太深，又可能已經無貨係手事不關己，身邊散戶參與度唔高，不過我隻"7500"就輸到仆街。
上年10月到今日都係以執倉為主，都叫暫見成效。最近都出咗部份長實(1113)、希慎(0014)、鷹君(0041)、領展(0823)、煤氣(0003)，補充彈藥下場再戰。
手頭嘅貨底部份已經收復失地，開始少有賬面盈利。仲有幾隻慢慢搞(長實、信和都係5%樓下嘅事，但嘉華 同 希慎有排搞 T_T)。希望用多2年，可以全部變正數。
繼續炒股唔炒市，除咗中海油、中石油之外，其他股票嘅賬面盈利分佈如下圖：
( 睇黎都係金融板塊旺我 ^_^ )
2025年2月28日星期五
澳門 明珠都匯 淺up
明珠都匯，前身海一居爛尾，政府起返6棟大約2,000個單位置換房比受影響業主。
當年網傳有3,000+個業主受到影響，最後登記認購置換房嘅有1,912人，中間少咗果D，係放棄登記或者當年炒超過一間，因不能重複購買嘅苦主。
明珠都匯嘅海一居苦主，購買相若單位嘅購買價，係由當年樓花嘅簽約價計算，姐係每個人係唔同價，當年最開始由(3,000+) 一呎，到最後炒到(8,000+) 一呎都有。
現在澳門一眾半新嘅"豪宅"呎價大概5,000~6,000一呎，究竟呢班業主有無著數呢？由下面幾方面睇：
1. 當年買賣情況各異，有人接炒飛，如果計埋當年炒賣差價嘅情況，現在又要攞筆錢出黎，呢班人肯定輸，當年輸嘅唔關政府事，無得抵扣。當然你可以話買嘅係全新樓，自住無得輸。
2. 如果當年3,000+ ~ 5,000+ 附近買嘅人，應該賬面都叫有得賺，但輸咗1x年嘅時間同澳門樓價高峰走貨嘅機會成本。(不過都好過當年中海外天鑽、雙鑽班on鳩炒家，懂嘅都懂 !)
3. Over 5,000+ 買入嘅，咁就微妙喇，無需再講。
4. 而且每個個案都唔同，首先唔G當年比保利達呃咗幾多"首期"，第二即供樓花條Loan有幾大，呢十幾年供空氣利息有幾多？每一個因素都影響苦主們嘅牌面。
--------------------網上揾到嘅資料---------------------------
付款方法
即供 : ( 按原價88折 )
臨時訂金港幣20萬圓正
14天內支付樓價10% ( 連訂金 )
30天內支付樓價餘款90%
建築期付款 : ( 按原價無折 )
臨時訂金港幣20萬圓正
14天內支付樓價10% ( 連訂金在內 )
6個月支付樓價5%
12個月支付樓價5%
18個月支付樓價5%
24個月支付樓價5%
樓價餘款70% 於發展商發出入伙通知書14天內付清
按建築期付款,合共2年內支付樓價30%,餘款70%於入伙時支付。
現正火速收票 本票抬頭：【保利達洋行有限公司】 金額：港幣貳拾萬元正(HK$200,000.00)
-----------------------------------------------------------
首先，咁大量供應一出(當你1/4都500個單位，用人口角度比較，等於香港突然多5,000個單位，香港啟德有板你睇)，口價唔方好。
第二，澳門現在同香港一樣，睇淡人多。
第三，經濟環境其實十分唔好，除非你係公務員。
第四，佢位置其實相當唔有善，澳門人明就得！
第五，好懷疑呢班人，有幾多人仲可以做按揭？
第六，還息唔還本班人加入競爭
......
結論，除咗新之外，我睇唔到有咩優勢。
最重要一點，澳門現在D樓，租金回報率得香港一半噶咋，係一半 -_-!
香港中原有得你睇，450萬左右嘅樓可以租HKD13,000。
澳門租到13,000嘅樓，自己睇賣幾錢？
( 萬3香港租一房，澳門係3房仲要有會所果隻 >_<)
如果真係有心買樓嘅朋友，其實澳門買車位投資，回報率比樓好好多。
做個記錄，up完！
2025年1月9日星期四
訂閱：
文章 (Atom)