2022年坐過山車，一個11月跌幾千點，一個12月上返幾千點，爽丫丫。
主力偽價投倉：
股息今年石油股繼續發力，收超多股息，同比 +56.22%，繼續破記錄。
可惜美高梅(2282)走寶沽在最低位，最終全年交易累計虧損(-53,377)。
未套現貨底，最後一個交易日執筆時輸：(-8.08%)。
如果拉勻股息 & 交易 減返未套現部分，總計輸：(-26,906)，咁嘅市況算有交代，暫時叫不過不失，下年穩中向好。
futu搞笑倉：
今年開始玩短炒，亂黎嘅成績都叫唔錯(+76,755)。用券商的確上癮，手續費好平。
主力偽價投倉 + futu搞笑倉 = +5皮，下年夠去個日本旅行 ^_^
1個月之前，整咗個“百萬教育基金List”，準備慢慢付諸於行動之際，就咁就見咗底。(詳細睇上一個post)
唯一嘅動作就係買咗1萬股建行(0939)@4.17,同埋3萬股中石油(0857)@3.03，一個月之後，就然後沒有然後鳥...... >_< (烏鴉飛過....傻瓜！傻瓜~~)
整返個對比表格打個飛機先。期間升幅最勁係地產系列，最估唔到嘅反而係中海油(0883)差一格包尾。恆隆都令我跌曬眼鏡，跑第一。
一個月之前敢買，仲收乜息，不過永遠無後悔藥食亦都無水晶球。散戶唯一優點就係轉身快過大鯨魚。跌落地都要碌返個跟斗型一型。
最近都買咗D其他股：佳源(2768)夠老千、越秀服務(6626)穩中求勝、中遠海控(1919)夠高息搏佢除淨彈返棍、中移動(0941)夠大隻夠安心、建行(0939) & 工行(1398)悶得夠耐估你彈多10隻賺個叉燒飯。