回顧2017，展望2018

由2016年建blog開始已經一年有多，當年2016總結咗一點心得，係今年都一直嘗試改進同堅持。經歷2015年大傷元氣之後，按入賬計，用2年時間總算填返個氹，雖然還差一D，但亦心滿意足，期望下年能夠突破升呢目標半球。

平走一注匯豐(0005)套現

年尾通常習慣將D平手坐貨套現，賺得多果D減返注開心下費事跌咗得個恨。個市睇黎都係29000左右上下波動，增加返少許現金，睇下有無得短炒博2轉。

匯豐(0005)之前高追博佢上80+短炒下，點知道摸頂買入一揸就半年仲收2次息，今次走貨賬面計平手輸少少手續費走，年尾埋數賺個利息仔。呢次止賺資金睇位慢慢轉部分去中石油(0857)，希望下年有得收割。

今年暫且收爐，休息下。

股市講估 @ 2017下半年

今年香港股票市場發生乜事大家都肯定有所總結，最矚目應該係HSI升到去歷史第二高位3萬1千幾果下，其次應該係騰訊升到爆燈。

呢次升市一直托住幾隻大價嘢上，呢個情況唔止香港，歐美亞洲好多股市都一樣。主要原因相信係因為縮表預期下，錢冇多到而且少左，但大行都要炒先搵到食，就孤寒地集中炒幾隻野。有D股未點郁過，今次會唔會真係一直只炒升緊嘅，唔郁嘅一直唔郁？ 講真唔知，但機會相信會低，因去到最後始終同風險有關，除左無蟹貨果D(如700)，其他大價股狂托始終有風險。最後托未郁果D，低風險，大戶都會考慮呢幾點。

大環境係進入加息周期，停QE同加息開始，有兩範都要留意，一個係銀行股，一個係保險股，兩範都係靠食息差，黎緊係會實在地有業績改善，當然好多已一早炒起。美國預期加息加到2020年，呢口價見頂未就真係見仁見智。

呢次升市，匯豐(0005)算較落後，隻野唔聲唔聲陰上，最近平保仲增持到5%以上(幾年前係匯豐持有平保，去美國玩出火撲水賣鬼咗，十年河東十年河西)，呢隻野係香港人情意結，真係繼續上見紅底時就要開始小心。油股已見左底，未算炒上，欠一點消息(等"當勞哥"係中東搞搞震)。

港股下年升跌，睇美國稅改後外資走速同北水個pool，下年先係財富轉移大風浪嘅開始。

今日好句005

1.德州一所小學老師問同學:''圍欄内有9隻羊，其中一隻羊跳欄出逃，現還餘多小？"所有同學都答8隻，只有一个説"一隻也無剩"，老師向那學生说:"你不懂數學"，學生向老師説:"你不懂羊"

2.投資成功的關鍵是在一家好公司的市場價格相對於它的內在商業價值大打折扣時買入其股份。內在價值是一個非常重要的概念，它為評估投資和企業的相對吸引力提供了唯一的邏輯手段。內在價值的定義很簡單，它是一家企業在其餘下的壽命中可以產生的現金的折現值

3.當市場下跌時，你輕易的將好東西打折變賣，但是一旦市場向上，再想買回來，卻很難。

4.華爾街是惟一的坐勞斯·萊斯的人向那些乘坐地鐵的人徵詢意見的地方。

5.「不要把所有雞蛋放在同一個籃子里」的謬論是錯誤的，投資應該「把所有雞蛋放在同一個籃子里，然後小心地看好它」。

恆指3萬點 賭股三年高 2018年澳門樓 - 百花齊放

澳門近10年，樓市翻天覆地，2014年樓價登頂之後，1年時間跌40%不為誇張，3年之後到今年2017，又翻返去歷史高位的85%左右。

（海一居）事件後，一堆市民叫苦連天，本人認為呢班投資客輸打贏要不值得可憐。海一居發展商保利達，最近係附近又開始推佢個新盤（海上居），開出黎意向尺價大概9500。港珠澳大橋就快落成，到時候或者會吸引一班投資客入場。唔想買新樓怕發展商溢價想買半新樓，附近龍頭屋苑無疑一定係（海天居）@2013年入伙，當年2xxx樓花價，投資移民實力持貨，而且當年無乜地盤開工，慢工出，素質一流，當然都唔平得去邊。

隨著澳門賭收增加，全澳屋苑業主叫價開始上升。但2017落成可以賣的新樓，全部清一色叫9xxx一尺。呢口價係大莊家定價，睇黎已經有默契，在此形勢下舊樓無可能超過呢口價了。但澳門二手樓有一現象，就係緊跟平你DD。講真，呢個情況係對面海香港都係咁，但香港有樣野好就係夠透明，而且市民通常對樓有認識，導致級數分好多級，唔似澳門水魚一大堆，加上實際有錢人唔多，基層中層相差不大，大概只係分得4級每級1000蚊一尺差價，如果唔做D功課當買菜，隨時俾業主標一野，就現在經濟形勢，想10年翻身基本無望。

“投資大神老巴講得o岩：  能避開麻煩，相比有能力走出麻煩更好”

增持中移動(0941) + 太古B(0087)

最近呢2隻野都跌得好慘烈，增持少少溝淡下。
不過都係一溝即坐格...hahaha

好似成大半年都未試過呢種越低越買嘅感覺。
對上果次有呢種感覺，係中海油同中石油。
經過半年硬坐，暫時呢2隻石油股賬面有些許利潤。


最近大市有個小調整，其中一日跌成6百幾，當日牛軍尸橫片野。
討論區感覺上好一部分人都轉為觀望但仍然偏好。
估計跌多一千幾百點散戶先會驚。

匯豐比平保增持到5.01%，難怪近10日北水高額買入。

Blogger界都有部分人開始獲利Hold返Cash。
突然想起某blogger係篇文講某大師名言：
如果你以大眾為參考，那你水平也與之相若 (大概係咁上下...)

持股再創新高，維持既定方略。
Cash(8%) VS Stock(92%)

買入中信國際電訊(1883) + 止賺一注中海油(0883)

建倉買幾手擺下先@2.12，有6厘幾息，澳門CTM 99%股權。

溝太古溝到窮，止賺一注(+19%)中海油(0883)增加現金牛先。

恆生指數破30000 - 記錄

2017年頭【肥青】睇40000點俾人笑


恒指早2日突破2015大時代高位破30000點。


記得2015年假牛真熊，
俾啊爺玩一獲金，
當時重注賭場股贏唔少，
轉眼間化為烏有，
之後到匯豐出事，
石油股食埋瀉藥，
短短半年身家唔見4成。
.......

《成為百萬富翁的八個步驟》

美國有一本書，剛一上市就引起市場矚目，書名是《成為百萬富翁的八個步驟》。作者系統地采訪調查了美國170位百萬富翁，從他們的致富經驗中，歸納出這本人人都可晉身7位數身價的行動手冊。這本書的作者查理斯·卡爾森，美國讀者對他並不陌生，過去幾年來他寫的幾本股市投資的書，都曾高居《紐約時報》暢銷書排行榜前10名。卡爾森提煉出的百萬富翁的八個行動步驟是：

第一步，現在就開始投資。美國6成以上的人，連百萬富翁的第一步都還未邁出，每個人都有一堆理由，但其實都只是自己在找藉口。 1、沒錢投資。卡爾森建議立即將收入中的10%-25%強迫用於投資； 2、沒時間投資：何不立即減少看電視的時間，把精力花在學習投資理財知識上；擔心股價太高：別忘了股價永遠會有新高。

第二步，制定目標。這個目標不論是準備好小孩子的學費、買新房子或50歲以前金錢無虞地退休，任何目標都可以，但必須要定個目標，全心去達到。

第三步，把錢花在買股票或股票基金上。"買股票能致富，買政府公債只能保住財富"。從長期發展趨勢來看，股票每年平均報酬率是11.9%。

第四步，先求一壘打(別眼高手低)。棒球選手如果只想打全壘打，其結果是被三振的機率會高於只想超前的球員，股市投資的道理亦然。百萬富翁並不是因為投資高風險的股票而致富，他們投資的是一般績優股。

第五步，每月固定投資。投資必須成為習慣，成為每個月的功課，不論投資金額多小，只要做到每月固定投資，就足以使你超越大多數人。

第六步，買了要抱住，還要再抱住。調查顯示，四分之三的百萬富翁買股票至少持有5年以上。

第七步，把國稅局當作投資夥伴，善用之。厭惡國稅局並不是建設性的思維，把國稅局當成自己的投資夥伴，注意新稅務規定，善於利用免稅投資理財工具，使國稅局成為致富的助手。

第八步，限制財務風險。百萬富翁大多過很乏味的生活，他們不愛換工作、只結一次婚、通常不搬家，生活沒有太多意外或新鮮，穩定性是他們的共同特色。

卡爾森的書中最後舉了一位百萬富翁的例子。這位富翁年薪從未超過4.6萬美元，沒有繼承大筆遺產，有妻兒要照顧，他就像是你我每天到超市遇到的平凡人，但他持之以恆地堅持上述8個步驟，百萬富翁只是他得到的報償之一罷了。

再增持太古(87)

恒指雖然突破2萬9，但係我個倉都係庸庸碌碌，睇黎今年又買中艇0087，買多2手溝一溝sin...@12.9

安居樂業 - 樓市策計(2)

有樓先有安全感：

對一般人的忠告是 ~ 先設法上車，中國民間智慧一直有句說話[ 有土斯有財 ]。如果你唔係打算移民，只要在能力可負擔情況下，就算進入樓市後下跌，始終會守得雲開見月明。試看看大陸現在，樓價屢創新高，只要中國繼續發展，澳門作為中國特區，係政策扶持下，下跌空間根本上有限。如果連一個最基本穩定住的地方都沒有，睇住別人安居樂業，內心怎是滋味。

2017年股息總結

今年手頭上股票可以派息都派曬喇，今年同上年招數一樣，買入博派息炒上派息之後放，然後再買第二隻，今年有中移動派特別息，其中工商，匯豐，中海油還係主力，今年還新加入太古B。聯想繼續收息但呢隻潛艇俾大師2017年頭祝福過之後，真心無運行。

今年叫做比上年好少少。下年繼續加油！

再入中移動 (0941)

中移動之前派特別息，扣除之後今日價位已經俾派之前跌唔少，今日入返手觀察下先，希望可以再食多次湖。

曾氏通道 (2)

大市破15年高位，個別股份直線上升，但部分重要成分股仲慘過股災，有部分則連15年高位果野都相距甚遠。坊間討論緊牛3係咪進行式。
來張20年曾氏通道圖參考下先 .....

今日好句004

　　 有錢的人，可以投機，
　　 錢少的人，不可以投機，
　　 根本無錢的人，必須投機。 

買入中石油(0857)

今日 國慶後第一日市，無北水，過千億(1031億)成交 @ HSI:28173  +618.91(2.25%)
呢棍打上去，銀行股升到赫親我，之前5.x走曬1398真係走寶了...

臨收市買手多中石油(0857)過下手癮，明日睇北水點演繹

唔覺唔覺，可以買股票的錢用得8899，最後一注買埋，之後就係走貨格局，希望呢次上架車係"牛3號"

加注太古(87)

2個月前建倉，今日加一注 ，溝下隻艇先.......
呢個禮拜唔知乜事，除凈後上到14.2，幾日就跌到落13.5
另外688都跌返我之前出貨價之下。觀察下先

今日好句003

聰明人只需看到別人失敗，就能避免犯同樣的錯誤。

一般人要自己經歷失敗，才能避免犯同樣的錯誤。

愚蠢的人即使經歷失敗，還是會犯同樣的錯誤。

安居樂業 - 樓市策計(1)

序：

大多數人把買樓看成人生大事，甚至人生成就亮點。但我認為除此之外，置業這遊戲更應該視作為學習社會的過程和機會。過程裡面的各類利益，各種人情冷暖，許多人因此富貴也因此愁，其中智慧博弈，論盡老中青，懂的玩這個遊戲又玩得好的人，一定是智者。

買入中石油(857)

手痕，買手擺一擺....@4.92

前幾日俾差佬派jor 2張牛肉乾，賺得返就走。

今日好句002

想未來更富有，重點在於提升自己的層次

芒格：要得到你想要的東西，最可靠的辦法，是讓自己配得上擁有它。

增持 匯豐(0005) & 中海油(883)

大象上過月太勇坐艇收場，呢期無曬大陸資金，英國回購始終不及大媽洪荒之力。

中海油開始有D動力，加DD博個tea。

HSI上到28000，個pool 只係多3幾百，唯有繼續等待。

聯想你老闆跌到心傷.........就快沉落太平洋。

中移動派特別息，無心插柳柳成蔭。

增持 匯豐(0005) - 業績公佈睇高一線

業績公佈高過曬大行預期，而且今年內(還有4個月)再回購20億美元并用作註銷，現價計大概占市值1/150。係資金市面前，匯豐自己都hold住10%，加埋加埋前面D大行持貨有成20%估計應該唔會有乜變化，咁呢20億就唔係1/150咁簡單嚕。
如果真係有牛3呢次，無畏估頂住。增持少少食花生先

今日好句001

"If you want to go quickly go alone. If you want to go far go together." 
可以譯作為：「如果你想走得快，就自己走，如果想走得遠，就要結伴同行。」

增持中移動(941)

今日手痕係83.35增持2手中移動擺下。目標88.....

941呢口價算殘殘地，我都唔明點解HSI成27000，呢隻野居然係近3年低位。

賣出 中海外（688） - 收割

渣住半年多D@HKD22，終於同中海外割席@HKD26
以後有機會(<HKD22)再入返，呢隻係好野。

買入太古B(0087) - 建倉

半年前飲茶路過太古廣場，自從係澳門之後，好多年無去過裝翻新裝修過都唔知。
之後有加入股票名單，但搞搞下無乜留意，今日入少少太古B(0087)建倉@14.00。
有興趣朋友自己上blogger搵分析喇，我就無畏廢話。

當年香討 "數字兄" 一文 值得回味

此文係香討2011年由一位"數字人"所寫，其中論點發人深省。

1. 我可以係跌市買樓
一再強調，大跌市時雖然樓價平，但買樓第一炮所需的資金唔會按比例大幅減少。大跌市為何會出現？因為有大量業主賤價割愛。為何賤價都要賣俾你？因為冇水。冇水點解唔問人借？因為銀行閂水喉。大家必須記住，大跌市的出現，一定配合銀行閂水喉。如果好似而家咁，打2個電話就借10萬，點解要賤賣層樓俾你？因此，在大跌市時買樓，你必須有心理準備估唔足價，同埋連7成都做唔到。例如200萬跌剩100萬，但銀行只肯估80萬，兼只肯做6成，那麼你就要嘔52萬。如果你係諗住用10萬經MC上呢個100萬盤，可以返屋企訓覺。
還有，要係大跌市時買平樓，你要有好多現金。我強調係現金，唔係股票或其他需要變賣既資產，因為你既股票係大跌市時一樣會下調。
估價8折做6成，係非常樂觀保守的估計數字，事實上，在08金融海潚時，部份銀行在簽按揭契前突然終止申請，1成會都唔俾上既個案真係發生過。另外，除非閣下係公務員，否則在大跌市時好難保証收入不會下跌。
結論：你需要持有目標樓價50%以上的現金。

2017半年結

半年黎個年中小結，賬面賺小利，跑輸本年HSI升幅少少。累收股息港幣6萬，下半年手頭股票都無幾隻會派息，今年股息少過上年。

今日P.M 3:00價計：

0005	匯豐	75.05	贏	54%
0688	中海外	25.30	小利	14%
0941	中移動	82.05	平	0%
0857	中石油	4.88	艇	-6%
0883	中海油	8.67	艇	-5%
0992	聯想	4.86	中艇	-14%

睇jor唔少blogger心路歷程，我確定我根本係偽價投 ( 哈哈哈哈 )，點解？
第一我唔睇年報，唔學技術分析。( 夠鬼大戶玩 )
第二我從來唔分析行業，唔理行業前景。( 邊夠大戶收風快 )
第三....好多喇，唔寫lu~ ( 懶，就係想日日食tea hea下 )
最重要係我買股票係執煙頭模式，人地虧我去買，自己虧反正唔等開飯死坐。

突然記得李小加講[慢牛]，美國同中國鬥搶錢，A股升係好方法。

增持中移動(941)

(941)上手買幾日就坐大艇，今日買返1手溝一溝
大象(0005)最近氣勢如虹，之前60蚊果陣討論區出帖太大量，怕大回令大注放得太早，呢次討論區熱度又再上升，思考ing
最近雖然跌市，但匯豐頂起成個pool，加埋油股返彈D。組合上跑贏HSI

曾氏通道

月前係某個blog到睇到......睇jor好多次。

買入中移動(941) - 建倉，中海油(883)再增持

買入中移動建立倉位.......

增持中石油(857)

買D 溝一溝

A股入MSCI

再增持中海油(883)

今日5月31日，增持883@8.91

買入中石油(857)

今日騰訊破100億成交。上次有破百億成交好似係大時代英國脫歐，匯豐破百。

今日無懼風雨買入少少857

繼續增持中海油(883)

呢2日一路一帶開大會，但我無關，繼續買入中海油@9.2，目標9.4短炒1wk。

繼續買入中海油(883)

繼續睇好油價，只係考慮短期操作定長線.........
857都好殘..
再買少少883
希望賺個旅行

買入中海油(883)

今日大市上25,000，hsi今次主要由700同1299頂起，其他股票同23,000果陣個價無乜分別，匯豐呢幾日有北水入貨上返67蚊，個人睇法未來半年hsi會由幾隻大野玩曬，手上還有少少貨的我希望下隻到匯豐。老巴前幾日個全球直播股東大會講得太深我一D都聽唔明。
 883@8.88入少少止痕攞個意頭

賣出所有 工行(1398) & 港交所(388)

下個月去旅行，出D股票幫補下。
工行如果跌返落HKD4.8，港交所HKD180。我會再買返D

883(收HKD9.24)中海油開始吸引，而且波幅呢個禮拜都幾勁，可以留意下

賣出1398 & 688,美國確定加息

有消息咪出貨lo....
1398 @ 5.15
0688 @ 25.0

賣出部分持有，略有微利。

某blogger說現在市400米的最後100米，有花生。 表示認同!

賣出華潤電力(836)

最近港股上到23700左右，賣出華潤電力頂下賺錢癮，略有微利執個tea仔。

港交所越睇越鐘意，賬面微升7%，跌得返落160左右，一定重錘。

堅持有功 ： 香討熱帖 [我今年33歲, 終於成功靠買匯控退休了!]

香討最近有個熱帖，講一個年青人靠毅力渣11年的士，不斷買入匯豐(0005)，儲夠40000股分享。到達佢心目中財務自由目標。按收市價計值267萬，6厘息一年大概16萬，香港基層收入大概都係咁上下。




而且仲有statement 添... 真心恭喜呢位人兄。

買入港交所(388)

最近手痕，成日想買股票，考慮過后決定買入少少港交所(388)@185，計劃未來一年會分注買入388作長線持有。

現在個 Pool組合見下

價值投資分享 我的儲貨方法

坊間有好多價投分享，就如何對心儀股票入貨儲貨，就我觀察所得大致如下：
1) 達心目中價位以分段形式買入。
2) 按年月時間固定買入，平均成本法。
3) 按各種估值計算方法衡量買入，結合參考大市指數，52周高低，如息率之類。

係確定選股為優質公司前提下，上述方法各有所長。而本人買貨準則
1) 確定要買入該行業作長線投資，選出代表公司(如 : HSBC)。
2) 設定比率，以整個pool比例計算 (如 : 5%)。
3) 在認為適合價錢，以月份計算，買入第一注，直接買入占pool計算5%之股票為啟動。

碧瑤閣 - 澳門樓觀察記錄

碧瑤閣係澳門半島水塘旁，下有傳統豪宅海景&海富花園(鏈接)，背靠松山座向大致向東，一層2戶。是次地產刊登廣告頂層 + 全層打通2340尺，叫HKD1,580萬(6,752/尺)，雖然樓齡35年，但就澳門現在市況叫價屬吸引。

除咗一年一次有澳門賽車困擾幾日，平日成日有白車勁響【B咘】響經過略為減分。呢個屋苑位處澳門交通中心，交通四通八達，自成一角，環境尚算清幽，向東可望港珠澳大橋，無大變動下永無遮擋。平日出入此處車輛看，業主或住戶肯定係澳門中產以上代表，再加上供應少，就算第日澳門樓調整，呢到抗跌力肯定強，實屬澳門少有高質樓盤。

對上一次見該屋苑有放售係2016年中見地產有個中層單位放售，記憶中叫價HKD5,000+ 每尺。

回顧2016，展望2017

上年開始玩blog，短短時間閱讀了大量blogger精心分享，有認同有感觸亦有天南地北，好多人係2016年最後幾日就寫[2016總結]，而我選擇係2017第一日寫，也許是我覺得未完何來總結，未到最後一刻總有機會改變吧。

2015年尾計已經結算的股票，外匯，黃金黎睇，簡直成[負]身家，輸4架Ducati Streetfighter 848，2016年開局係一個好慘烈情況下開始(仲未計其他賬面輸緊果D T_T)，而且2016中途又有波折，經過慎重考慮還將投資9年基金斬曬入賬，又要輸一架Ducati Streetfighter 848，好彩2016個市升返D埋尾追返唔少。按已經結算計，仲有2架Ducati要追，希望2017追得返喇。