2019年3月29日星期五

增持 中石油(0857)一注

之前中石油(0857)派成績表,基本符合預期。特哥早日係平台話油貴,俄佬同油組又話唔開會,壞消息一浪浪,買少少壓壓驚先。

最近身邊炒消息股嘅散戶都有贏錢,而且注碼越來越大,但個別有D年資嘅反而無乜斬獲,而且驚慌縮注中,後市如何要再觀察。

2019年3月21日星期四

增持 莎莎(0178) 一注

最近幾日都set咗口價入貨莎莎(0178),不過次次差D,今日上午加返少少價遇到良心割愛,下午就papa聲上,希望唔係煙花一陣就玩完。

今日幾隻大嘢公佈業績,而有貨嘅長和(0001) & 中石油(0857)業績算喺對板。現在重倉嘅股票,持倉比例經過呢次業績後,會作為參考調整下。

長和旗下屈臣仔俾策略投資者掛賣,如果口叫價賣得到 (10%股權賣USD10億),一定可以為估值打口強心針,手持嘅貨仔仲挨緊價未返家鄉有D傷心,睇黎近月都無得平平地再溝貨嚕~

中石油繼續耐心持有,派RMB9分算俾我預期差,等睇聽日市場演繹。

匯豐(0005)今次大息本來想收股票,但喺唔記得落指示,唯有4月肥仔一次先,睇位買返。︿( ̄︶ ̄)︿

2019年3月12日星期二

增持 莎莎(0178)

最近,個市上上落落,一時牛一時熊,嚇到我尿都bill,買手Sasa(0178)壓壓驚先。

有感,騙徒太多 傻仔明顯唔夠用,繼續食花生。