沽清 中海油(0883)

前後共買2注，兩個月貨仔，食個雞糊攞返D錢去超市買橙食。

最近多咗留意京東物流(2618)，睇下有無機會買少少入場睇睇牌先。

增持 中海外(0688) + 粵海(0270)

今日買咗中海外(0688) & 粵海(0270)，無喇喇想收佢嘅息，比手續費銀行賺，唉..... 聽日除淨咁都忍唔住手。

不過早上中海外我set 18.7入果陣，成堆500、1K比貨我，但未收夠就彈咗上去，然後....到收市都沒有然後了。今年上半年賺過佢3次下午茶，希望今次可以賺完個下午茶，順便賺多佢一張雞脾券再下次食喇。

有趣，做個記錄先。

建倉 萬州(0288) + 增持中人壽(2628)

萬州(0288)之前話回購，然後上演宮廷劇，買少少入場睇戲先。

中人壽(2628)坐緊2注喺16尾，溝一溝目標喺平均返家鄉就走。

中石油(0857)都就快返家鄉，奇怪就喺完全唔比位跌返兜下都無機會，中海油(0883)反而跑輸，唔喺同我講隻垃圾中石油霉咗2年今年要威返次啊，你老闆下面買嘅貨都基本走曬喇....

增持 中海油(0883)

增持第二注中海油(0883)，記得當年17、18年果陣就係呢附近價位買入，然後就坐咗大半年貨，之後就肥仔水，希望呢次都可以歷史重演。

上半年靠長實(1113)，下半年睇你中海油表演。不過話時話，長實無先兆下開始回購，跌返D或者會再入返擺少少貨壓倉。

增持 中聯通(0762) - 減持 中石油(0857)

增持悶股中聯通(0762)，呢隻嘢無乜好講橫行格儲儲貨。

最近油價上，今日中石油(0857)終於跟A股升少少，近排升得有D急，決定食一注先，呢注今年3月份@2.8買嘅。可惜個石油倉平均價仲蟹緊，睇遲D有無機會喺3蚊邊買返拉拉價。

今日出貨仲有個原因，就係出完之後，今年袋落袋嘅利潤，等於過往3年加埋，其實係2018幾乎無賺錢 T_T

............你老闆啊~  悶股也有出頭天，呢D係咪股災先兆？

放 長實(1113)碎股

長實(1113)回購到有百幾股碎股，今日放曬無眼睇，叫比回購高少少執個小小下午茶。

最近情緒上最睇好中海外(0688)，尋日收市之後先收到長實回購份錢，想今日買就一棍上咗去搞到又唔想追。新經濟又唔多上，舊經濟股一樣繼續浮浮沉沉，無乜吸引力。

喺其他blogger到睇到粵海(0270)，留意咗幾日，早幾日有超大成交，不過口價仲係好殘，上幾年9蚊陣都曾經考慮過，不過就沒有然後了。俾人剔除出指數，未必唔係好事，不過手上已經有同命運嘅聯通(0762)，都係再望望先。

恆大(3333)把飛刀都好似好正，繼續關注先。

5月盈喜：接受長實(1113)回購 + 買入中海油(0883) - 賣出中石油(0857)

 5月個人唔知點解有D懶，今日先有心情update下。成個月做咗呢3樣嘢，唔知點解覺得，賺佢幾皮嘢好似用咗賺幾球嘢嘅力咁。

月頭建倉買入中海油(0883)@8.3，月中走咗一注中石油(0857)@3.18，換貨中海油，記得上次油股大時代，18年係中海油食到飽，中石油嘔到痛，一直艇到E+，之後應該都會慢慢將中石油嘅貨換到中海油，目標50/50。

月尾接受長實回購(1113)，比曬40蚊樓上買入嘅貨鉅哥，留返少少壓倉睇定D。之後果2日好似過山車咁，第一日wah wah 聲做乜升咁多嘅，但今日收市後就釋懷了......哈哈哈，散戶心態無得救。乜都唔理，3號收錢再部署過，下半年靠呢筆錢發威。

^_^ ... 順便發個盈喜，上半年因為長實貢獻，今年回報暫時多過過往2年加埋。

不過呢......其實係.........之前果2年太霉 .... T_T

增持 中聯通(0762)

近排大佬中移動(0941)似見底，友人加持下我跟少少。

出季度業績睇下會唔會炒上少少俾我偷雞先。

增持 中石油(0857)

今日係我隻千年艇中石油(0857)業績發佈日，搏佢成績符合預期外加增派息。開市時買少少睇下場，搏下星期個市無咁亂陣，有得執返個燒味雙拼飯加下餐。

朋友問點解我唔睇好中海油(0883)，好簡單噶咋，因為身邊散戶買呢隻多lo，你懂的......

增持 長實(1113)

買入少少長實(1113)擺下，就搏51蚊俾貨大股東，希望執少少可以同家人去食個台式紅燒牛肉麵。

朋友M名句：洗濕咗個頭，含淚都要繼續玩落去。

增持 中聯通(0762) + 長實小記錄

今日見跌市，買少少中聯通(0762)壓驚。

另外長實(1113)業績會公佈嘅世紀財技，無疑比上次電能同長建有深度，上次隔硬黎，今次個方案我睇短、中、長都有J點，算係各方面都有得打飛機。究竟李家咩葫蘆賣咩藥，有興趣嘅不妨天馬行空去諗諗。

可惜今天垃圾中石油(0857)仲向深海潛水，倉入面最重貨嘅雙頭馬車一上一落，搞到今日無咩亮點。

不過無論點都好，現在手上仲持貨，過往一年買入嘅長實全部返家鄉。股到爆升方恨少，信念唔夠......出返個記錄J下先。

今年開局一洗頹風，霉咗2年終於爆一爆。

沽出:中海外(0688) + 買入:中聯通(0762)、中人壽(2628)

 "即月仙"隻中海外(0688)，又執個下午茶，睇黎呢隻今年利我，等我多D關注佢先。

中聯通(0762)好似有見短底跡象，而且今年都叫有D波動，再買入一注試下水溫先。

中人壽(2628)喺呢個位都磨咗段時間，買少少搏佢1、2蚊。

再買 中海外(0688)

最近睇咗幾套異世界轉生動畫，有D幾好睇

好~就買返中海外(0688)，返兜一下重新開始。

垃圾中石油(0857)最近跌唔落，難道將要迎來石油股嘅春天？

另外長實(1113)雖然無其他地產股咁亮麗，但都叫收貨喇，重倉繼續持有。

建倉 中人壽(2628) + 沽清 中海外(0688)

中海外(0688) 年頭出入過一次，3日前又買過，尋日坊間解讀波叔搞到港股股災跌一棍，收市set咗口價差0.04買唔到，今日中午就爆上10隻+，坊間智慧好消息出貨，少少地賺佢1過幾豪買隻鹵水雞脾加加餐。

呢排出出入入無貨係手有D驚，跟朋友買少少中人壽(2628)壓壓驚。呢隻嘢幾年前搞到我輸大錢，當年好似仲要成24蚊貨，好~就同你搏一po

建倉 中海外(0688)

友語錄：個個都係賭，你問個賭仔做乜買莊唔買閒？

新年後"舊經濟"股升到哄哄聲，係咪就散水無人知，唔趁升陣賺多D，跌果陣點L算先，贏谷輸縮買返少少中海外(0688)，睇下呢個星期賺唔賺到隻鹵水雞脾加餐餸先。

老老實實哪~ 中移動(0941)中海油(0883)都係比美帝搞，人地破曬短頂，你乖乖地跟下好無先。

隻垃圾中石油(0857)一直坐艇唔敢短炒，點知上2個星期屁股痕，走去買黎炒下，點知放咗之後就玩破頂，搞到有D心理唔平衡。好彩隻長實(1113)呢幾日算爭氣，賬面開始有個豬扒飯賺下，唔知+x哥可唔可以比我賺多杯凍茶少冰呢，即本繼續揸揸佢。

清倉 中聯通(0762) + 走貨中石油(0857)

今日早上個市有蠱惑，中移動(0941)死都唔跌，聯通(0762)走去玩扮跌。好彩頂得住大戶呢場戲，中午打後電訊股發力，算數了，你要就俾你，我唔玩喇，清咗中聯通，4日執個蹦沙牛腩河食下，好滿足。

另外走埋新年前入嘅中石油(0857)，呢隻超級老千，見好就收，以前嘅艇貨繼續揸。

朋友推隻"感恩"生殖(1753)，又真係爆wor。可惜早上未走貨無錢買，E+升咗又唔想買，加入list觀察下先。

加注 中聯通(0762)

 贏谷輸縮，午市開場加多注中聯通(0762)，睇好北水開閘落黎養韭菜。

建倉 中聯通(0762)

今日喺值得紀念嘅一日，手上最後2隻股票升到我都覺得驚，講賬面今日嘅升幅係歷來最誇張嘅一次，可惜個倉仲係負數，連隻萬年中蟹油(0857)都升，我怕係見頂嘅預兆。希望升多一頭半個月等我返家鄉再股災。

買入少少中聯通(0762)，搏炒舊經濟股追落後。都諗過中海外(0688)，不過最近成交少咗好多，電訊股之前升過不過中美關係又跌返，搏佢關係回暖返得上去算。

清倉工商(1398) + 增持中石油(0857)

農曆新年前清咗隻工商(1398)，呢隻嘢真心悶死，上年7月開始買佢等咗半年執得果少少。

最近開咗牛牛睇散戶中石油(0857)留言，個個都EE哦哦話佢廢，的確又係幾廢柴，買入少少同大家一齊屌乸星。美股嘅牛牛真心超勁，可惜我唔玩美股。

上次話留意MGM(2282)，真係留意lo，一個疫苗消息升曬上去了，遲D再睇算。

新年快樂。

參與大時代：清倉中海外(0688) + 交行(3328)

 尋日3,000億成交破曬記錄，啊爺北水買入都破記錄。連帶港股我重倉嘅長實(1113)都升咗HKD1.7，即刻返咗家鄉好爽。

短短3個星期中海外(0688)獲利過萬，收貨喇清曬佢。另外隻交通銀行(3328)上年8月買嘅，揸咗差唔多半年好悶頂唔順，賺少少走佬算。今年開局有D喜色，希望黎緊輪到其餘倉底貨。

手上多返D錢，留意緊MGM(2282)同金沙(1928)，或者短期內會買少少試水溫。