增持 金沙(1928)

正一烏鴉口，早幾日走騰訊陣先話會股災，點知一個月都無就應驗 --> Link

金沙(1928)跌穿上年封關封場價，洗濕個頭頂硬上，含淚買多注溝淡下。

增持 萬州(0288) + MGM(2282)

萬州(0288)股東會通過咗回購建議，呢幾日慢慢上緊最高到6.7，不過今日消息話俾“前廢太子”爆料太上皇貪污之類，股價即刻無10%+，不過另外角度睇，如果係真，咁呢筆數喺咪有得追先。洗濕個頭繼續支持下，增持一注，反正平均6.4左右。

MGM(2282)跌到好似就執笠咁，就係呢種feel我鐘意，繼續增持一注。身邊嘅朋友反而入銀娛(0027)，無畏大家坐埋同一隻艇喇，金沙(1928)今日無乜點跌，聽日睇下有無機會先。

增持 長實(1113)

長實(1113)出業績，大鱷唱好業績對板，股價又跌唔落，補番少少貨填補下51蚊放貨俾大戶嘅缺失。

中海油(0883)今日有異動，手頭有少少貨不過唔係好夠，之前看來睇得太淡了。

出 騰訊(0700) & 入 金沙(1928) + MGM(2282)

澳門出疫情賭股有沽壓，繼續吸貨金沙(1928) + MGM(2282)，呢個板塊切勿睇得太淡，什麼數據分析，結果話你知無乜大作用，小心俾有心人夾爆。就賭啊爺罩嘅重點城市，無人敢玩得太過分。

另外跟fd出騰訊(0700)，一日貨仔執1K食個豐盛D嘅下午茶。

首入 騰訊(0700)

周圍嘅股友今日都出手撈騰訊(0700)，我無理由唔玩埋一份噶，少少地買咗手入場跟隊，希望唔好好似微盟(2013)咁，燈L死佢地喇。

手頭持有股票增加到13隻，記憶中上次大股災第二Round之前都好似係咁，無限膨脹，之後無錢撈底。

哈巴哈哈~ 小心先

建倉 越秀地產(0123) + 加 MGM(2282) + 萬州(0288)

萬州豬肉(0288)昨晚出咗進一步嘅回購消息，今日早上見無乜反應，膽粗粗加少少。

MGM(2282) 呢2日跌咗D，睇落似見短底，對比金沙(1928)買得唔係好夠，順路加少少，賭股呢次搏呢2隻，食粥食飯半年後分解。

越秀地產(0123)，無喇喇留意到擇日不如撞日買少少。另外還留意緊路勁(1098) + 富力(2777) + 嘉華(0173) +  CTM (1883)，打算建個8%息嘅盲倉擺 1年半載。

呢幾日可以叫小股災，無理由唔比錢入場參與呢場盛事。

建倉 金沙(1928)

金沙(1928)同銀娛(0027)喺2014年賭股大時代玩過，最後輸十幾萬敗走元氣大傷。

今日買入一注試下水溫，買入價只喺當年6折。呢口價喺上年疫情價個底，輸極有限。

建倉 美高梅(2282) + 加注 中海油(0883)

聽朋友講最近賭場多咗人，仲話Taxi哥哥生意好咗，建倉美高梅(2282)試下水溫先，18年係美高梅到執過幾千蚊，記得買入價位係12~15，呢次返兜下睇下有無肉食下，9蚊幾入貨應該唔會輸太多。

中石油(0857)今日有異動，中海油(0883)跑輸3%左右，增持少少搏追落後。

內銀都跌入抵買區，心動但決定遲D行動。

增持 中海油(0883) + 中人壽(2628)

策略增持中海油(0883) ，順便再溝D中人壽(2628)，你老闆中人壽條契弟今年輸最多，洗濕個頭含淚都要玩落去。

部分板塊呢幾日腥風血雨，係時候去接下飛刀，內房教育有花生。

接刀 微盟(2013)

內房最近多事，好彩隻中海外(0688)喺啊爺3紅線上面無乜影響。

京東物流(2618)決定剔除出觀察List，都喺唔玩呢個板塊。

朋友之前炒微盟(2013)賺到換屋住，又買車又爽按摩椅，喺佢慫恿撈底下今日膽粗粗入去接飛刀。

中海油(0883)同中石油(0857)，跌到有D得人驚，路邊社身邊富貴c9股神今日已經接貨，往跡撈底佢都准(出貨另計)，咁我都準備下入去跟跟先，或者呢個星期五會加注。

增持 萬州(0288) + 中聯通(0762)

見牛牛股友話走貨換馬以後唔再買佢地，怕佢地出唔到好價，默默地買少少支持佢地行動，萬州(0288) + 中聯通(0762)，希望好心有好報。

建倉 中海油(0883)

今年油價有D新聞，無理由唔係呢個板塊打滾下。

早幾日9蚊走咗貨無貨係手有D虛，因此尋日收市同今日開市各買一注試下水溫先，希望呢次又可以賺個叉燒飯。

沽 長實(1113)

今日股災隻隻都都跌唔少，見長實(1113)呢排只升唔跌，套少少Cash出黎準備撈下其他貨，至於撈乜未有定案。

你老闆，中人壽(2628)喺咪有絕症，跌到周街都媽媽聲incl. me。

油價唔精神我隻中石油(0857)都跟住傷風。so鳩sad

大家都問恆指跌到幾多點？一張圖話你知！！！

沽清 中海油(0883)

前後共買2注，兩個月貨仔，食個雞糊攞返D錢去超市買橙食。

最近多咗留意京東物流(2618)，睇下有無機會買少少入場睇睇牌先。

增持 中海外(0688) + 粵海(0270)

今日買咗中海外(0688) & 粵海(0270)，無喇喇想收佢嘅息，比手續費銀行賺，唉..... 聽日除淨咁都忍唔住手。

不過早上中海外我set 18.7入果陣，成堆500、1K比貨我，但未收夠就彈咗上去，然後....到收市都沒有然後了。今年上半年賺過佢3次下午茶，希望今次可以賺完個下午茶，順便賺多佢一張雞脾券再下次食喇。

有趣，做個記錄先。

建倉 萬州(0288) + 增持中人壽(2628)

萬州(0288)之前話回購，然後上演宮廷劇，買少少入場睇戲先。

中人壽(2628)坐緊2注喺16尾，溝一溝目標喺平均返家鄉就走。

中石油(0857)都就快返家鄉，奇怪就喺完全唔比位跌返兜下都無機會，中海油(0883)反而跑輸，唔喺同我講隻垃圾中石油霉咗2年今年要威返次啊，你老闆下面買嘅貨都基本走曬喇....

增持 中海油(0883)

增持第二注中海油(0883)，記得當年17、18年果陣就係呢附近價位買入，然後就坐咗大半年貨，之後就肥仔水，希望呢次都可以歷史重演。

上半年靠長實(1113)，下半年睇你中海油表演。不過話時話，長實無先兆下開始回購，跌返D或者會再入返擺少少貨壓倉。

增持 中聯通(0762) - 減持 中石油(0857)

增持悶股中聯通(0762)，呢隻嘢無乜好講橫行格儲儲貨。

最近油價上，今日中石油(0857)終於跟A股升少少，近排升得有D急，決定食一注先，呢注今年3月份@2.8買嘅。可惜個石油倉平均價仲蟹緊，睇遲D有無機會喺3蚊邊買返拉拉價。

今日出貨仲有個原因，就係出完之後，今年袋落袋嘅利潤，等於過往3年加埋，其實係2018幾乎無賺錢 T_T

............你老闆啊~  悶股也有出頭天，呢D係咪股災先兆？

放 長實(1113)碎股

長實(1113)回購到有百幾股碎股，今日放曬無眼睇，叫比回購高少少執個小小下午茶。

最近情緒上最睇好中海外(0688)，尋日收市之後先收到長實回購份錢，想今日買就一棍上咗去搞到又唔想追。新經濟又唔多上，舊經濟股一樣繼續浮浮沉沉，無乜吸引力。

喺其他blogger到睇到粵海(0270)，留意咗幾日，早幾日有超大成交，不過口價仲係好殘，上幾年9蚊陣都曾經考慮過，不過就沒有然後了。俾人剔除出指數，未必唔係好事，不過手上已經有同命運嘅聯通(0762)，都係再望望先。

恆大(3333)把飛刀都好似好正，繼續關注先。

5月盈喜：接受長實(1113)回購 + 買入中海油(0883) - 賣出中石油(0857)

 5月個人唔知點解有D懶，今日先有心情update下。成個月做咗呢3樣嘢，唔知點解覺得，賺佢幾皮嘢好似用咗賺幾球嘢嘅力咁。

月頭建倉買入中海油(0883)@8.3，月中走咗一注中石油(0857)@3.18，換貨中海油，記得上次油股大時代，18年係中海油食到飽，中石油嘔到痛，一直艇到E+，之後應該都會慢慢將中石油嘅貨換到中海油，目標50/50。

月尾接受長實回購(1113)，比曬40蚊樓上買入嘅貨鉅哥，留返少少壓倉睇定D。之後果2日好似過山車咁，第一日wah wah 聲做乜升咁多嘅，但今日收市後就釋懷了......哈哈哈，散戶心態無得救。乜都唔理，3號收錢再部署過，下半年靠呢筆錢發威。

^_^ ... 順便發個盈喜，上半年因為長實貢獻，今年回報暫時多過過往2年加埋。

不過呢......其實係.........之前果2年太霉 .... T_T