2018年1月29日星期一

2018 牛市記錄 (I)

此刻,相信大家討論點應該係由上年懷疑熊定牛的問題,轉為討論點係呢次音樂椅或者火棒遊戲中,何時逃生!

牛市,沈大C趣圖。



A)香討轉勢:
不是發帖多了,也不是問股票號碼多了,亦不是新開賬號問菜鳥問題多了。在我觀察,係星期六日的留言更新頻密了。數月前,討論區熱鬧僅限開市日,休市日topic輪轉緩慢。最近2個禮拜,星期六 & 日開始旺場了,而且話題不是集中只講之前某幾隻強勢股。


B)新手同事:
推薦新手同事買941 @7x蚊感受大市氣氛,近期上升短時間內略有小利。居然嫌升得慢,而且表示要加碼追逐其他股票。


C)曾氏通道:
10年圖已觸及95%,20年圖則75%左右。


D)城市論壇:
一向討論民生政治的論壇,請咗 青姐 + 沈大師 壓場。


E)價投Blogger:
一班價投Blogger搭棚,A為B寫序,B同C寫序,C又幫A寫序。而且開班越來越密,書越出越快。發帖不再個股分析,轉向說教投資大道理,暗示自己的學員如何"掂過碌蔗"和好嘢只同自己學生講等等。


F)中國銀行(3988):
係我眼中,呢隻先係藍燈籠,無啊爺批准,邊個咁炒呢隻啊爺揸莊股。近月某blogger先講3.7入貨,昨天已經4.8了,某程度上一眾C9賺緊鮑魚加送了。


其他特異點開始有D苗頭,但仍然未明顯,第日明顯再記錄。

1 則留言:

  1. 一班價投Blogger搭棚,A為B寫序,B同C寫序,C又幫A寫序。而且開班越來越密,書越出越快。發帖不再個股分析,轉向說教投資大道理,暗示自己的學員如何"掂過碌蔗"和好嘢只同自己學生講等等。

    忍唔住笑左。。。

    回覆刪除