增持 莎莎(0178) 一注

最近幾日都set咗口價入貨莎莎(0178)，不過次次差D，今日上午加返少少價遇到良心割愛，下午就papa聲上，希望唔係煙花一陣就玩完。

今日幾隻大嘢公佈業績，而有貨嘅長和(0001) & 中石油(0857)業績算喺對板。現在重倉嘅股票，持倉比例經過呢次業績後，會作為參考調整下。

長和旗下屈臣仔俾策略投資者掛賣，如果口叫價賣得到 (10%股權賣USD10億)，一定可以為估值打口強心針，手持嘅貨仔仲挨緊價未返家鄉有D傷心，睇黎近月都無得平平地再溝貨嚕~

中石油繼續耐心持有，派RMB9分算俾我預期差，等睇聽日市場演繹。

匯豐(0005)今次大息本來想收股票，但喺唔記得落指示，唯有4月肥仔一次先，睇位買返。︿(￣︶￣)︿