接刀 金沙(1928) + 美高梅(2282) - 出貨 中海油(0883)

賭股今日大龍鳳絕對精彩，當年話歐C長香港造市，我睇呢次應該都要查下公佈消息條友喇....哈哈哈

銀娛、金沙2大龍頭跌1、2成起，唔買飛入場睇呢場早場都對唔住荷包入面D錢。接咗金沙(1928) 2把飛刀，好L慘2把都即刻出曬血，收市或者會再入多注繼續接刀。另外策略增持美高梅(2282)，由10蚊開始每跌1蚊買一注，買到6蚊幾都未買到底好恐怖，合埋眼預買到2蚊好無先。

另外中海油(0883)之前買咗幾注賬面有少許微利，出咗最貴2注補充返彈藥，準備賭股到搏殺，下年食胡睇黎靠澳門呢劑。

相信身邊唔少股壇老鬼今日都會入場試下手感，最後擺低幾多就下回分解。