股災印記

今日大成交，加上跌-1,030點。你話唔係股災就假喇哈，身邊D少聯絡開嘅股友今日都有2句，唯肯買貨嘅少。

以年計，恆指已經跌咗11,000點(26235-15099)左右，就呢個月已經跌咗3,000點(18164-15099)，呢個星期第一日就1,000，環環相扣。

記憶中一個月跌成3,000點嘅，有2013年，2016年同2018，而2020同今年2022年頭3月嘅呢2次，跌5,000點左右。呢個月仲有4日，加油啊!!記錄係用黎破嘅~

曾經有blogger總結過，今日攞返出黎鞭下自己先：

1. “大跌市撈底好股,長線而言是有利可圖。所以真正的價值投資者, 不應怕股災, 只應怕股災發生時, 沒有足夠資金去撈底, 所以資金管理是很重要的。”

2. “撈底要有策略, 宜分段進行, 不然在不理性拋售後, 出現更不理性拋售時,你已經無能為力, 只能做旁觀者。”

呢次絕對係機會，就好似世界杯同奧運咁，你唔識玩或者無興趣都要同身邊嘅人J下。唔好怕輸，當買六合彩，反正六合彩唔中都Total Loss.股票有渣比返你嘅！