2024年 完

目前繼續作為淡龜睇淡，心境比較平淡。

今年年頭定嘅保守方略，堅持一年操作後都叫目標達成，中間襯2波啊爺幫港股勃起陣換過下貨，走咗部分萬年艇，執過個倉套返部分資金存個定期咁就完咗一年。

埋數計都叫有賺，夠比生活費夠養家之餘，還夠間中澳腳北上去山姆開心下。

反而今年香港比較精彩，有D資產嘅價格跌到凸曬眼鏡，老實講5年前諗都無諗過，而且租金仲要升到高位，刷新三觀。

朋輩間，有前途嘅，有心情提點嘅、要講嘅都講咗，內心責任已完，餘下嘅就係鼓勵下！

身邊堆傻hi繼續都係傻hi，仲要繼續扮大G嘢嘅都唔少，不過唔緊要，我本來就鐘意食花生同打J，反正係免費娛樂。

今年始終操作比較保守，股票利差不及收息，無咩火花，無咩嘢好up。

明年，樓仍然繼續睇淡，港股預期橫行，下年考慮進軍美股跟班大佬揾食。

祝股友們明年，柳暗花明，一飛沖天！