呢個月，長和(0001)突然話有世紀"大刁"，原本手上嘅雞肋貨，突然變成雞脾。點知啊爺揾打手發文，又跌返成半走。你老闆，作為超微股東，啊爺你咁有錢，出錢同黑石攆過咪係囉，搞鳩我地D蟹戶做乜撚嘢。
港股短期都keep到24000附近，相比前幾年，簡直強到無輪。但身邊散戶無咩點興奮，或者係之前艇太深，又可能已經無貨係手事不關己，身邊散戶參與度唔高，不過我隻"7500"就輸到仆街。
上年10月到今日都係以執倉為主，都叫暫見成效。最近都出咗部份長實(1113)、希慎(0014)、鷹君(0041)、領展(0823)、煤氣(0003)，補充彈藥下場再戰。
手頭嘅貨底部份已經收復失地，開始少有賬面盈利。仲有幾隻慢慢搞(長實、信和都係5%樓下嘅事，但嘉華 同 希慎有排搞 T_T)。希望用多2年，可以全部變正數。
繼續炒股唔炒市，除咗中海油、中石油之外，其他股票嘅賬面盈利分佈如下圖：
( 睇黎都係金融板塊旺我 ^_^ )
反手两倍做淡 邊會諗到佢今次養到啲韭菜咁肥美去到24600點 之前炒AI,两會到宜家谷內消,分分鐘沖返上一排,先收割。
回覆刪除已經唔同咗玩法
刪除三月初已經通街都聽到有人談論股市，散戶無興奮只係因為他們手上很多蟹貨，但持貨量已經和以前牛三頂部差唔多。加上三月中千幾點急速上落，夾走估頂短炒者，一個大頂就形成了。
回覆刪除外星兄睇頂？
刪除係就好，我隻7500有救。
順便又可以趁跌，換下貨搞搞個倉膽。
但ETF有管理費、轉倉成本，如果個市只係慢跌，7500都幾難玩。
刪除通常我都係搏轉角短炒下，點知呢次升得咁勁，超出預期之外。
刪除都係為個下午茶姐~哈哈哈
晉杰苑, 發展商第一滴血, 看來陸續有黎
回覆刪除大家綁好安全帶
刪除