嘉華(0173) 繼續減派息

嘉華(0173) 今日宣佈業績，繼續減派息，仲要同比減一半，得0.02 (全年0.07，早幾年係全年0.21)，好傷心。

好多年前貪佢息唔錯，又有銀河股票揸手，資產折讓高，負債少。

雖然多年派息維持同一口價，但勝在穩定，因此買入長線收息，

點知疫情之後，一直向下炒，至此一殼眼淚。
二代目眼中只有銀河(0027)都正常，奈何苦了祖業班擁躉。

持倉第一大倉，倉位28%，成個倉仲要得呢隻"蟹"未回鄉，

派息前期望有少少驚喜，但等來嘅係驚嚇，五味雜陳。

以後一隻股票都係咪超過5%倉位，揸咗6、7年，呢次夠曬深刻，一生受教。

另外，中石化(0386)今日出業績都係減派息，心情沉重。  Y_Y