4月石油股睇法繼續up

續上個月話題，呢個月繼續up下，港股石油股係咪投資機會？

油價早幾年見負，大家誇誇稱奇。因俄烏果邊打仗無喇喇急升咗一輪，

歐美出手穩定返一排，大行就話無嘢嘅，大家唔使擔心。

現在美伊開拖一個月，各大行就話短期唔會跌落幾多幾多，

特別 Trump總，暗手落場舞高弄低，搞到大家都唔知點好。

查實，拉返長睇，港股石油股一直係扶搖直上，奇怪就係講嘅人唔多，

早幾年價低息高唔講，現在價高息唔錯又無聲，反而匯豐咁高位就一堆財演推，

我又唔覺得匯豐穩得過啊爺D石油股，試下回憶返，早2年點解匯豐跌到咁殘？

呼應返題目，我覺得石油股日日有新聞，波動梗會放大，咁就係機會，

無貨嘅就小注怡情，大注除非你低位有貨底，唔係就無謂喇。

早好多年，網上有位Mr. Tregunter就預言過，美帝要食石油大茶飯，唔會係短時間。

有興趣嘅朋友自己上網揾返佢D文參考，萬一真係進入高油價時代，

石油股都應該係一樣值得投資嘅標的，宜早作部署，唔係好似黃金咁就嗚嗚鳥。

唔好覺得高油價對啊爺工業、出口無利，美國就更加喇，請細品。

呢D大時代機會，中海油(0883)上個月破曬頂高見3x，中石油(0857)上次個頂係20蚊，

呢次目標15蚊都唔係好過分姐，當然我有貨底帶主觀偏見......哈哈哈

點解咁樂觀？好簡單，都無人up，點會咁快見頂？

不過又咁講，AI先係大佬，石油股係小弟，志在參與。

AI雖然與我無關，不過石油股、地產股我不嘍重貨，

今年上半年成績應該唔差，股票就係咁得意，有賺就得。

早幾年逆求存，估唔到今日咁快順求利，恭喜下自己先 ^_^。

最近建倉買入嘅股票做個記錄：

海爾智家(6690)、銀河(0027)、永利(1128)、中航科工(2357)、

京東方(0710)、海通恆信(1905)、東曜藥業(1875)

另外艇到7彩嘅有：

美團(3690)、恆科(7226)