樓市無聊up：澳門第三季整體住宅樓價指數為183.3

明明澳門早2、3個月平均樓宇成交呎價升十幾%，有D呎價去返成萬一呎，衝上18年高峰，AA話貨尾單位供不應求搶都搶唔到，成個市場一片欣欣向榮。你班地產商會早2日居然公開呼籲政府出政策救市，居心叵測？亂澳之心人人得而誅之，當時好多“友人”都係咁睇。

但......今日

引用AAstock網頁資料：

澳門第三季整體住宅樓價指數為183.3

澳門統計暨普查局資料顯示，2026年第三季整體住宅樓價指數為183.3，較第二季下跌4.7%，現貨住宅(194.9)和住宅樓花(241.6)指數分別下跌4.9%及1.4%。現貨指數中，澳門半島(184.3)和路氹區(238.4)按季分別下跌5.6%及2.6%。按樓齡劃分，11至20年、20年以上的住宅樓價指數分別下跌0.7%及3.1%。

按單位實用面積統計，50平方米以下的樓價指數按季下跌2.2%，50至74.9平方米的亦下跌4.8%。與去年同季比較，整體住宅樓價指數下跌4.3%，澳門半島(180.4)與路氹區(195.2)的跌幅分別為4.4%及4.1%。

近排係VX群有人話：

“你班春江鴨，早2個月賺果陣唔見你地賺少D，呢個月去唔到貨，就叫政府出政策趕羊送落你地個嘴到，有無搞錯。傳聞香港起樓成本5K講嘅係天璽*海 ( 唔係澳門個乜天璽*湖 )，你班地產商用廉價勞工起乜大家心照喇，賣8、9千蚊呎仲話無錢賺，仲要政府出招呃人入去接火棒？”

不過又咁講，澳門指標屋苑東華、八達果堆，個別盤源都跌返落11年水平，11年咩水平？咪就係呢個指數100點果陣lo，當年御景灣樓花4球，E+最平頂層開7xx、有個連車位850。咁究竟係東華、八達果堆跌凸，定係其他虛高？

年頭指數19x澳門D 3房叫8球起標，E+ 6球起你同我講跌得5%，係咪瞞唔落去，要均值回歸？睇好統計局下個季度繼續均值回歸。

綜合朋友最近言論，呢次就算政府出蕉，例如利息補貼，都同以前唔同了。

首先，當年澳門無咁多賭場(sor......係“憂企”)，無咗擴張基礎。

其次，大陸經濟唔再係爆發期，特種兵多過水魚係新常態。

第三，當年係高息但樓平( 百幾萬就有3房 )，現在係樓貴，利息加ing。

第四，韭菜覺醒，加早幾年舊韭菜因為要按樓比新韭菜安家，比發展商連根拔起生唔切。再加上新韭菜窮無工做，就算有都係人工奀。

第五，政府做咗大業主，一堆經屋係A區，唔講19年果條經屋隊2年唔夠跌幾多，就講21年條隊3房2球就有，而且仲有23年果期未定價。另外明珠都匯1800+個單位都愁緊點算。仲有橫琴呃街坊。

第六，馬膠政府一係乜都唔做，一做果陣放風話連現金分享都想cut，傷了韭菜們的信心。(好似有D道理)

第七，馬交未見到好似香港當年食二手薯條嘅新聞，未見娛樂底。

利申，小弟暗乸底係樓市大好友！只不過E+窮買唔起仲租緊個小蝸居，等我有錢買一定跟業主一齊大叫 gogogo......

上面不構成任何買樓賣樓建議，睇到呢到嘅愛澳有緣人要自己諗了。