10月交易記錄

最近準備砌部新機玩Diablo重製版。試下幾耐可以喺股票到搵到部新機返黎。

每個月不定期更新喺留言到，唔再開po，開得太多自己都睇到懵曬。

增持 MGM(2282)

尋日收咗聯通(0762)、今日收咗萬州(0288)嘅股息，9月最後一個交易日買少少MGM(2282)填補下心靈空洞先。

金沙 + 美高梅已經占我倉位嘅3成，同時都係輸得最應嘅部分，好彩石油股呢2個月生性頂住咗下，唔喺嘅話真喺上IFC。

MGM:7%

金沙:21%

下個月收粵海(270)、中海外(0688)、同中海油(0883)，然後準備過冬。中海油返A股，參考下中電訊(728)玩先。

增持 嘉華(0173)

出完糧有少少彈藥，補多槍嘉華(0173)。

賭股跌完再跌，恐怖過08年果次。

粵海(0270)穿10蚊，又係唔知乜事，唔通Co-19經水傳播？

增持 越秀服務(6626)

手上2隻賭股今日升返少少，同長實(1113)都好似揣定返，個心定一定，即刻策略增持越秀服務(6626)，本黎仲想入嘉華(0173)，不過唔到價，聽日睇下有無機會。

繼續加持 金沙(1928)

地產股股災，老闆1句"遊戲規則已經改變"，搞到我重倉之一嘅長實(1113)無近10隻，價位已經跌到接近倉位平均價，之前仲諗住擺係到慢慢收息唔會咁邪咁快又跌返落去呱，點知咁快又要考慮走唔走。sai鳩曬上年挨價挨咁耐，好唔容易先儲到呢堆艙底貨。

今日風聲鶴淚，賭股可能之前跌得7788，今日表現還算好，繼續買入金沙(1928)溝淡佢同佢死過。

無畏諗咁多，繼續睇返youtube 作作VS賠生 娛樂下。

續接 金沙(1928) + MGM(2282) - 沽貨 中人壽(2628)

賭股呢個星期，玩今日低位明日高位套路。老實講玩股票甘耐未見過大藍籌咁跌法，就算08年果劑都無咁激烈，洗濕咗個頭唯有hup埋眼用"閉目投資法"繼續同佢死過。增持金沙(1928) + MGM(2282)。

中人壽(2628)年頭買，終於搵到個唔再坐貨嘅理由放咗佢無眼睇，就係換馬澳門賭股。你老闆輸到我攤攤腰，不過睇返平保(2318)，又釋懷了。

對上果次玩到無曬彈藥要換股，已經喺16年果次。當年係匯豐、金沙換油股。最後挨咗段時間，靠中海油(883)返生，不過中石油(0857)就hi咗嘢到今日計埋幾年股息先叫"打和"。

手上仲有幾隻大嘢可以同賭股死過，下次就出聯通(0762)。

接刀 金沙(1928) + 美高梅(2282) - 出貨 中海油(0883)

賭股今日大龍鳳絕對精彩，當年話歐C長香港造市，我睇呢次應該都要查下公佈消息條友喇....哈哈哈

銀娛、金沙2大龍頭跌1、2成起，唔買飛入場睇呢場早場都對唔住荷包入面D錢。接咗金沙(1928) 2把飛刀，好L慘2把都即刻出曬血，收市或者會再入多注繼續接刀。另外策略增持美高梅(2282)，由10蚊開始每跌1蚊買一注，買到6蚊幾都未買到底好恐怖，合埋眼預買到2蚊好無先。

另外中海油(0883)之前買咗幾注賬面有少許微利，出咗最貴2注補充返彈藥，準備賭股到搏殺，下年食胡睇黎靠澳門呢劑。

相信身邊唔少股壇老鬼今日都會入場試下手感，最後擺低幾多就下回分解。

沽出 越秀服務(6626) + 萬州(0288)回購分餅

越秀服務(6626)短炒獲利執個肉醬焗意粉。

另外萬州(0288)接受回購股份約23%，可惜賺回購輸股價，其餘貨底輸凸。呢個故事話我知，都係城哥犀利，長實(1113)已經跌返唔少，之前52.4買咗少少都輸到有D肉痛，再跌就買返少少填補下。

沽出 微盟(2013)

之前跟朋友買咗注微盟(2013)，呢幾日升得唔錯，賣貨走人執個叉燒燒肉飯。

近日手上舊經濟股開始有D見底跡象，觀察多2日睇下有無機會換換馬。

越秀服務(6626)個人十分睇好，可惜買完就升咗上去未夠貨，有機會會重注。

增持 中海油(0883)

今日中石油(0857)升得唔錯，中海油(0883)貨少，見無乜起色，趁現價策略增持一注。

另外賭股榮辱不共，金沙(1928)叫好少少已經回鄉。之後等MGM，呢隻輸死我。

首入 越秀服務(6626)

越秀地產(0123)之前貪得意買咗注擺係到，咁啱早2日同股友吹水，佢持有好耐，而且早排分拆陣有分到D越秀服務(6626)。咁啱早排都有blogger講咗下呢隻，為回應真誠推薦，分析後決定買返注雞仔注支持下。

增持 中海油(0883)

個市好混亂，周圍無乜人買貨，唯有買少少中海油(0883)定定驚。

增持 金沙(1928)

正一烏鴉口，早幾日走騰訊陣先話會股災，點知一個月都無就應驗 --> Link

金沙(1928)跌穿上年封關封場價，洗濕個頭頂硬上，含淚買多注溝淡下。

增持 萬州(0288) + MGM(2282)

萬州(0288)股東會通過咗回購建議，呢幾日慢慢上緊最高到6.7，不過今日消息話俾“前廢太子”爆料太上皇貪污之類，股價即刻無10%+，不過另外角度睇，如果係真，咁呢筆數喺咪有得追先。洗濕個頭繼續支持下，增持一注，反正平均6.4左右。

MGM(2282)跌到好似就執笠咁，就係呢種feel我鐘意，繼續增持一注。身邊嘅朋友反而入銀娛(0027)，無畏大家坐埋同一隻艇喇，金沙(1928)今日無乜點跌，聽日睇下有無機會先。

增持 長實(1113)

長實(1113)出業績，大鱷唱好業績對板，股價又跌唔落，補番少少貨填補下51蚊放貨俾大戶嘅缺失。

中海油(0883)今日有異動，手頭有少少貨不過唔係好夠，之前看來睇得太淡了。

出 騰訊(0700) & 入 金沙(1928) + MGM(2282)

澳門出疫情賭股有沽壓，繼續吸貨金沙(1928) + MGM(2282)，呢個板塊切勿睇得太淡，什麼數據分析，結果話你知無乜大作用，小心俾有心人夾爆。就賭啊爺罩嘅重點城市，無人敢玩得太過分。

另外跟fd出騰訊(0700)，一日貨仔執1K食個豐盛D嘅下午茶。

首入 騰訊(0700)

周圍嘅股友今日都出手撈騰訊(0700)，我無理由唔玩埋一份噶，少少地買咗手入場跟隊，希望唔好好似微盟(2013)咁，燈L死佢地喇。

手頭持有股票增加到13隻，記憶中上次大股災第二Round之前都好似係咁，無限膨脹，之後無錢撈底。

哈巴哈哈~ 小心先

建倉 越秀地產(0123) + 加 MGM(2282) + 萬州(0288)

萬州豬肉(0288)昨晚出咗進一步嘅回購消息，今日早上見無乜反應，膽粗粗加少少。

MGM(2282) 呢2日跌咗D，睇落似見短底，對比金沙(1928)買得唔係好夠，順路加少少，賭股呢次搏呢2隻，食粥食飯半年後分解。

越秀地產(0123)，無喇喇留意到擇日不如撞日買少少。另外還留意緊路勁(1098) + 富力(2777) + 嘉華(0173) +  CTM (1883)，打算建個8%息嘅盲倉擺 1年半載。

呢幾日可以叫小股災，無理由唔比錢入場參與呢場盛事。

建倉 金沙(1928)

金沙(1928)同銀娛(0027)喺2014年賭股大時代玩過，最後輸十幾萬敗走元氣大傷。

今日買入一注試下水溫，買入價只喺當年6折。呢口價喺上年疫情價個底，輸極有限。

建倉 美高梅(2282) + 加注 中海油(0883)

聽朋友講最近賭場多咗人，仲話Taxi哥哥生意好咗，建倉美高梅(2282)試下水溫先，18年係美高梅到執過幾千蚊，記得買入價位係12~15，呢次返兜下睇下有無肉食下，9蚊幾入貨應該唔會輸太多。

中石油(0857)今日有異動，中海油(0883)跑輸3%左右，增持少少搏追落後。

內銀都跌入抵買區，心動但決定遲D行動。