2016 年澳門潛在供應樓盤記錄隨筆

樓可以話係近年每個澳門人吹水的情意結，經歷過奇跡般的經濟增長后，幾乎每個澳門家庭都係百萬家庭，部分跑出之人更是千萬家財，但隨著2014年賭收見頂，慢慢地大家亦都回歸
理性，開始出現部分人對樓的分歧，以後有機會再出文探討喇。

返黎正題，根據澳門統計局公佈數據，澳門現在有約65萬人口，其中外僱人員有18萬，扣減后本地人員現時大概係47萬，而且按數據估計大概每年有6000位大陸移民落黎，另外加7000個BB出世，大概人口增長率為3%之下。參考呢個數據，以下我發表一下本人對未來2年澳門樓的愚見。

首先我地睇下澳門未來2年會落成的潛在供應同一些現在開賣的盤，我分澳門，氹仔，路環大概以我本人印象講下。

澳門 ： 海上居，合富188，信凌寶，黑沙環斜路(新益對面學校下面個盤)，筷子基("鯨"天半島)，筷子基(麥當勞對面塊地上面個盤)，筷子基澳地豪庭，筷子基(朗豪坊)高士德(紅街市後面個盤)，青州茵濠薈，青州(天橋旁邊個單支樓)，另外經屋台山個地盤....

氹仔 ： 名門世家，濠尚(濠5)，官也薈，另外海灣旁邊果個政府盤...

路環 ： 金峰4期，石排灣出面地盤，金峰同路環監獄中間塊地盤...

就本人記憶中已經列出將來可見供應，總數估計約1萬個新盤，而且呢D樓盤全部走豪宅路線(除政府樓外)，最近新盤開價8000-10000，相信大價樓會有一定受壓。

........
過海去HK先係王道...