堅持有功 ： 香討熱帖 [我今年33歲, 終於成功靠買匯控退休了!]

香討最近有個熱帖，講一個年青人靠毅力渣11年的士，不斷買入匯豐(0005)，儲夠40000股分享。到達佢心目中財務自由目標。按收市價計值267萬，6厘息一年大概16萬，香港基層收入大概都係咁上下。




而且仲有statement 添... 真心恭喜呢位人兄。

財務報表可以好多蠱惑野，但長期維持派息一般黎講好難造假，相信呢位人兄係睇中匯豐(0005)"歷史數據"長期投注一注獨贏。

匯豐有樣野好係每季派一次息，令人有總唔捨得放感覺，唔似內銀賺夠就想走。以我所知中電(0002)都係一年4次。







香港一直都有類似民間傳說，[美孚隱世油王] & [持股多過主席 傳說身家over 10億中巴散戶 陳生]，大概總結係一個 "悶"字，耐心收集，耐心持有，等待累積成山後的驚人回報。

希望我都可以耐心繼續持有手中匯豐(0005)，11年後都有4萬股。