回顧2017，展望2018

由2016年建blog開始已經一年有多，當年2016總結咗一點心得，係今年都一直嘗試改進同堅持。經歷2015年大傷元氣之後，按入賬計，用2年時間總算填返個氹，雖然還差一D，但亦心滿意足，期望下年能夠突破升呢目標半球。

買賣方面2017主要靠工商銀行(1398)，中海外(0688)貢獻大部分利潤，其餘有華電(0836)，港交所(0388) & 中海油(0883)。今年年結仍持有的股票有下面幾隻，匯豐(0005)同聯想係2015年揸到E家，一隻賺一隻輸，其餘都係今年買入。比較可惜係5.x陣放走咗工商銀行，最成功係買賣中海外。股息收入比2016稍微增長，匯豐工商同中海油係主力。買賣 VS 收息大概係6:4開。

股票號碼	股票	盈利
0005	匯豐	大贏	加息利好
0883	中海油	贏	估計油價見底
0857	中石油	小贏	落後未升，AH差價頗大
0941	中移動	虧	衰過2015年
0087	太古B	虧	AB股有折讓，而且PB都頗吸引
1883	中信電訊	小虧	澳門CTM，平時開支都貢獻佢唔少，買黎對沖下
0992	聯想	怒虧	無話可說了

經歷2015大時代到今天已經2年+，體會更深就係一樣嘢，好股票要係別人恐慌我貪婪，如果比多次機會我，我一定買重匯豐長揸算。匯豐呢隻單天保至尊係我呢2年間貢獻極大，但可惜2016年尾陣放咗一大半，唯有等下次股災再撈過。今年3萬1點時候唔係我個pool最高峰，反而係回落到2萬9附近，騰訊真心唔敢買，或者我天生就唔係冒險者，係RPG入面我估計係盜賊呢D角色仔。

2018估計仍然係牛市繼續，手頭上股票今年全部跑輸恆指，希望下年追落後可以跑返贏。今年都研究咗幾隻股票，但仍然未有建倉，而且今年恆指已經接近歷史最高，下年要為股災部署下。

樓方面，澳門跟隨賭股走勢，樓價已經上返比較高位置，經過呢幾年高低波幅，一般市民都已經建立咗心理預期，估計澳門樓價會係6000~10000之間上落。而且澳門樓市同香港越黎越似，兩極分化。澳門暫時租樓相對買樓黎講，成本上還算有頗大差距，兩者接近時候先考慮置業未為不可。估計2019先有機會執平貨。