澳門近10年，樓市翻天覆地，2014年樓價登頂之後，1年時間跌40%不為誇張，3年之後到今年2017，又翻返去歷史高位的85%左右。
（海一居）事件後，一堆市民叫苦連天，本人認為呢班投資客輸打贏要不值得可憐。海一居發展商保利達，最近係附近又開始推佢個新盤（海上居），開出黎意向尺價大概9500。港珠澳大橋就快落成，到時候或者會吸引一班投資客入場。唔想買新樓怕發展商溢價想買半新樓，附近龍頭屋苑無疑一定係（海天居）@2013年入伙，當年2xxx樓花價，投資移民實力持貨，而且當年無乜地盤開工，慢工出，素質一流，當然都唔平得去邊。
隨著澳門賭收增加，全澳屋苑業主叫價開始上升。但2017落成可以賣的新樓，全部清一色叫9xxx一尺。呢口價係大莊家定價，睇黎已經有默契，在此形勢下舊樓無可能超過呢口價了。但澳門二手樓有一現象，就係緊跟平你DD。講真，呢個情況係對面海香港都係咁，但香港有樣野好就係夠透明，而且市民通常對樓有認識，導致級數分好多級，唔似澳門水魚一大堆，加上實際有錢人唔多，基層中層相差不大，大概只係分得4級每級1000蚊一尺差價，如果唔做D功課當買菜，隨時俾業主標一野，就現在經濟形勢，想10年翻身基本無望。
“投資大神老巴講得o岩： 能避開麻煩，相比有能力走出麻煩更好”
澳門2018年繼續有一堆新盤出黎。例如：氹仔 - 星玥，濠尚，天晉。
路環 - 金峰南岸4期，擎天匯。
澳門 - 擎天半島，城市東岸，筷子基信託個新盤，中聯辦對面天橋一個盤，紅街市附近一個。黑沙環斜路新益對面一個，合富188。仲未計政府樓青州坊果頭都幾個，還有氹仔海灣花園隔黎果幾座。
還未計名門，小譚山果D模型類...
因此，2018澳門樓一定係 - 百花(樓花)齊放，如果班莊唔將一手口價打上去，黎緊加息陰霾，港珠澳回歸現實(筆者認為港珠澳大橋，澳門得益雷聲大雨點少)，如果經濟有乜風吹草動，黎個股災咁就..........唔好唔記得，現在恒指30000點附近，歷史第二高，高過2015年大時代(但樓未升返上當時口價)，下年樓睇淡少少為好。
順帶一提，當年2014年澳門樓盤癲峰力作，係香港著名樓盤 (啟德一號) 發展商，中國海外(0688)的雙鑽同天鑽，時勢造英雄，當年佢呢2個盤貴絕全城(13500 & 16500)，當年海天居呢D一線高質新盤都係1萬一尺左右。
補充樣，當年中海外賣香港 (啟德一號)，地契係港人港地，香港政府本意想透過呢個條款壓制大陸投資需求同平息民怨，但人地老闆一句：港人港地唔代表要平賣。一野KO一眾望上車小市民。但歷史說明沒有最高只有更高，當年賣都係萬鬆D，現在要2萬幾lu~~ (此後我就留意0688呢隻好股票.....今年都係佢到賺咗D ~ 有機會再講下呢隻股票)
未買樓朋友，準備好彈藥，準備殺業主一個片甲不留。有時間還可以參考我寫 - 樓市策計3
沒有留言:
發佈留言