沽清 莎莎(0178) 轉倉 長實(1113)

"匯率操縱國" 呢個詞你都咪話唔得人驚，印象中大陸一直係呢個問題上對美帝有退讓，個市無喇喇1個禮拜跌成2千幾點你都咪話大鱷無收到風。大陸前幾日都仲叫安穩，匯率雖然出過口術話穿7，但都係呢2日先有反應。外資明顯主導呢次港股下跌。

而美帝呢個表態係繼華為個別針對後，高一層去打擊大陸嘅出牌，連我呢個大好友都開始轉向，覺得後市不容樂觀。

經驗教訓股災清倉撈底係天才做嘅嘢，但換貨喺一般勇散保命好法之一。一般玩細股心態喺有閒錢搏o下波幅，股災情況下資金唔走已經偷笑仲玩呢D細股？繼續持有股票數量4隻，壯士斷臂沽清莎莎(0178)全數轉入長實(1113)，我寧願搏長實返70蚊好過搏莎莎返2.6。

對上果次咁做已經係15年果次，慘痛經歷。

雖然股票今年有點悲傷，最怕呢幾日喺股災嘅開始，好似08、15年咁，有排挨，但有危險有機會，機會喺邊？咪.....樓囉，股票輸無乜問題，有柴燒，樓先喺主菜，股票跌得越甘，樓折扣相對會大D。