月入不到5萬以上的男生是殘疾？

 

1.

“女孩更是非常豪橫​的​表示，一個男的月入不足5萬(RMB)，他是殘疾嗎？”
最近有點火嘅一個大陸訪問片段，先勿論真假。

T_T...... 原來一年有不少月份我都係殘疾。

2.

突然諗起早日，我與一個認識嘅人閒聊說到：
“如果你需要一架車，要賣30萬並且你可以借銀行15萬，你覺得你有幾多身家先配得起擁有呢架車。”

答：“150萬”

我：“姐係1/6或者講15%左右就喺你上限喇”

我：“哈哈哈~你都算OK 窩，幾識諗”

回：“咁你呢？”

我：“奢侈類消耗品，3%.......  >_<都嫌多”

回：“所以你有2架電單車”

我：“第一架係必需品 ￥_￥，第二架喺後備 >_<”

3.

友人對我說：你成日要10蚊嘅嘢跌到3蚊先出手，太盡喇。10蚊去到7蚊就應該出手喇。

我：10蚊去7蚊，7蚊上得返10蚊，50%都無；10蚊去3蚊，上得返10蚊就係200%+，比例喺4倍。老實講事後諸葛無意思，你永遠要之後先知，無話對錯，睇你接受幾多時間內，幾大嘅，幾多次嘅潛在回報而已，或者等咗N耐都係得個吉噶，睇你點搏。

4.

早3幾年，澳門D樓升到洪洪升，友人要生要死話為咗就出世嘅BB要買樓問意見。

我：“火棒喔，而且又黎你屋企咁遠，要過橋，細路出細點算好唔方便，要買都買近D喇”

最後佢無買，跟住繼續升咗幾個月，我後尾枕涼咗幾個月。

過左3幾年後嘅今日，平咗2球，我話買得喇。

佢：“癡線噶咩E+買，無病啊，跌緊噶，仲要過橋噶”

E+租緊到話住得唔開心，想搬，不過睇中果到遠咗老豆屋企幾條街。

佢：“昂居噶，咁7遠，送細路返去老豆屋企唔方便”

又睇下過幾年我啱唔啱先  ^_^ hahaha

5.

有D嘢，人做耐咗經歷多咗話你知，呢條路行落去唔掂，話俾人知又如何！其實只係對自己黎講條路唔掂，又唔肯定人地唔掂，可能對佢黎講已經好好呢。最重要係，自己都未有另外一條更好嘅出路，又或者好聽D叫仲係到摸索緊，何必阻人“發達”。不過我就係鐘意鳩up，吹咩。

上述故事全部不經求證，為節目效果，有老作成分！

今日到此為止。