收拾心情 繼續股海浮沉

上個月股災完全無反應要買貨，反而走鬼咗隻長實，仲要低位走貨，結果火燒竹竿。期間睇到唔少blogger總結，有部分都有得著。

昨日終於有心情睇下股票。少少地買咗口新鴻基(0016)開心下，叫做溝溝佢，咁多口入面最低。希望地產板塊呢隻無乜點升嘅龍頭可以跟長實個勢升返下。

油股都無乜理。上年喺8蚊邊有買咗D中海油，沽又怕好似長實咁一升無回頭，買又怕高追，為求安心擺下先。

艇股系嘅金沙、MGM，繼續喺水底浮沉，無眼睇。 

最近身邊有人講下阿里，都係食下花生算。