先講結論：
首先，澳門做租租有先天劣勢，原因澳門班AA從根本認知上，
覺得業主先係高人一等，做租租嘅跟本係下等人。
不過又唔可以怪佢地，因為係AA眼中澳門呢十幾年嘅升市，
無樓嘅都係無本事買樓嘅人係普遍認知。
覺得業主先係高人一等，做租租嘅跟本係下等人。
不過又唔可以怪佢地，因為係AA眼中澳門呢十幾年嘅升市，
無樓嘅都係無本事買樓嘅人係普遍認知。
澳門唔似香港，香港有班超高質嘅租客貴到一百幾十萬一個月都可以比得起，
而且有班收租業主都鐘意呢到住果到住，
自然香港班AA唔會好似澳門班眼光咁狹隘，
所以唔可以怪佢地，係樓市生態問題。
第二，澳門地代擺上網嘅盤，視乎租金首先AA自己叫高2K~5百，
方便俾租租殺價以為自己好勁，情緒價值拉滿。
係上面個基礎上，業主心理價位按樓盤貴平，又有1K~5百議價空間。
第三，由於好多澳門人基本由細住屋企，無咩租樓經驗，班AA通常會用以下直口
a. 呢個盤有其他人傾，你落2千蚊訂再幫你同業主傾，然後軟磨硬泡逼租租就範。
b. 呢個盤係私盤，街外無噶，你唔啱我大把客啱，製造哄搶氣氛。
c. 我啱啱先同個客簽咗個乜乜盤都係幾多幾多，比買copy你睇，然後唔知邊到整張假嘢你睇。
d. 講多幾句就話，業主係我啊叔，呢個盤唔租俾你，你過主！你揾其他AA一樣可以繼續傾。
e. ......結論係，無論AA講咩都你當廢話就係。
第四，澳門租樓唔同香港，香港通常係租客、業主各自一半佣金，但澳門由於曆史原因，業主唔比佣金，租客比足一個月。曾經遇到澳門地產商會負責起草標準租賃合同嘅行尊，佢話澳門原意都係各一半，但........
第五，曾經遇到一單幫朋友租樓，睇樓同業主講好咗，落去簽合約陣，個AA嫌租金壓得太低，佢份佣金少2千，就“自告奮勇”幫業主，話業主唔租要多2千，好彩跟住硬氣話唔租就算，離開陣又撞到業主，個業主話無咁嘅事，然後按原價租咗，AA黑面。
第六，澳門AA行規唔會比業主聯絡，方便合約到期，再來逼你比一個月佣金續租。
等等......
要講實在有太多，總結一套萬能公式比各位租租參考。
還價方面，開價1萬樓下嘅盤，首先按開價減1K，
呢到係減AA自己加果口價，1萬5以上減2K。
閣下係公務員再減500，理由好簡單，穩陣好客！
如果閣下還肯半年繳，再減500~1K亦不是難事。
心態方面，AA講乜都咪信，咪一次打出所有牌，
下面比個例子大家參考：
“假設有個盤開15,000”
先去CTM開張AA專用電話卡，開個微信聯絡AA睇樓，
AA最鐘意問你係咪澳門人、做邊行、係咪公務員、幾多人住、有無細路、幾大。
你可以反問：業主有咩要求或者係咪有特定人士唔租？通常AA話搭馬唔租......
或者叫佢講下呢個盤有咩特色，轉移話題 。
總之就係途中盡量少講自己嘢，先咪比AA知道你底牌。
如果業主不在場，個盤啱心水，都咪即刻還價，話返去考慮下先。
假如業主在場，呢個情況最好，即刻按上面公式1萬2開始同業主傾，
業主通常擰頭話唔得，如果你係公務員，就要話比業主知，
自己係公務員好客，唔怕走租。
如果業主還No，你肯半年繳呢張牌就打出去。
業主肯就去馬，唔肯就bye bye!
通常之後AA會再聊你，要你加，通常你加500、最多1K就成噶喇！
究竟係12500/13000/13500就睇租租本身條件。
可能過程中，AA會好似突然好似比你覺得無你個客無所謂、
話業主有其他客、其他公務員客、咩多謝你啊，下次有機會再合作。
你要諗返轉頭，如果你係實客，比到萬2、3呢口價，AA邊會唔推其他盤你，
呢D係以退為進見過唔少，特別大價盤。
然後草擬簽約果陣，一定要1年死約2年生約Total 3年約，AA話係行規2年，
你可以話政府建議係3年，通知期一定要租客1個月，業主按法例3個月。
佣金方面，睇樓陣睇係咪AA合作盤，如果係你可以壓1K佣金，
假若係AA獨家帶你上去無對面AA開門，你等AA話業主肯之後，再叫AA減2K佣就係。
唔減你就話有其他盤都傾緊，對面有誠意肯減，不過你鐘意呢個多D，
但又唔係志在必得，逼AA落佣金就係，千奇唔好急。
然後揾個fd扮AA用佢地口吻send幾句咩業主肯減，條件點點點比你，
你截圖send過去你target AA比壓力佢。
到最後基本對租租有利，到最後一步落去簽果陣，
你話要業主聯絡，AA肯定唔會咁順攤比，
話業主大陸人、唔想租客打擾......
你一定要咬死，唔比就算，唔簽，然後走。
正常唔會有業主唔要租客聯絡，VX其實好方便。
到口嘅肉AA係呢刻最脆弱，正路都會比你。
唔比你都可以寫你個聯絡落你簽名下面，要業主加vx，視乎個人做法。
一句講到尾，做個出色嘅租租，要多揾盤多睇，然後幾個一齊傾，切勿志在必得。
長租必須要業主聯絡，租約1死2生，通知期1個月，呢3點必須咬死，其他就好說話了。
租樓本身係一場3方博弈，多數情況反而係租租同AA之間嘅博弈，
大價樓業主只要知道個客係好客，價錢其實唔太緊，
越大價盤反而越好傾，越細價盤班業主等供樓你懂的！
要記住，AA通常係反認知噶，認為業主好似"地位高D"係老細。
但作為租租你係俾佣金果個，你先係老細啊~~~切記！必要時可以用呢句當頭棒喝AA
以上係比較通用嘅流程總結，視乎個別情況調整。
實戰申報，最近傾咗個3房盤開萬尾，最後14,000成，佣金1萬。
之後先敢開Po係到BB，先敢回覆下老王兄 ^_^
同香港比較，澳門真係租樓天堂。
沒有留言:
發佈留言