“博主，想請教下本人單身中年，新城A區的經屋，因永遠姓經，是否是值得入手(不是投資)，本人未持有任何物業，父母亦無物業比我繼承，因單身關係，正申請一房單位，因我看中的是可以住滿幾十年後可以原價賣回給政府(外間普遍認為是認為蝕，認為樓價必須大於入貨價，而且原價賣比政府蝕通脹)。
問題
經屋永遠姓經的條件下，現在經屋的售價是否不值得入手，應該兩房或三房才可考慮？或一二三房都不值得考慮，私人樓宇更可行？”
問題
經屋永遠姓經的條件下，現在經屋的售價是否不值得入手，應該兩房或三房才可考慮？或一二三房都不值得考慮，私人樓宇更可行？”
---------------------------------------------------------------------------------
呢到提幾樣嘢俾澳門朋友參考，然後根據呢個框架再引申討論澳門情況：
1.香港700萬人 VS 澳門6~70萬人左右，人口大約 [10:1] <---請記住呢個比例
2.澳門來緊5年計劃有3萬單位供應(連上面果13,000)、(報導係咁講) VS 香港未來10年大約有30萬個“公屋”供應。
3.私樓未來香港3~4年大約有10萬個供應，澳門好似今年已經有5,000個已經批准樓花、批准興建等。
4.香港淨啟德區有2萬個現樓供應，澳門黑沙環區明珠都匯有2,000個左右。
5.根據上個月，花旗出嘅香港千萬富翁報告，香港有"淨資產"超過1,000萬嘅有40萬人左右，包括不動產但扣除借貸，澳門現況樓普片平過1,000萬睇，有無4萬個千萬級富翁就見仁見智。
香港私樓係上面班有錢人買噶，同下面班韭菜無關，韭菜負責租樓輸血。
6. 早2個月有篇講澳門樓嘅鳩up文，可以參考下 :------> LINK
Q: 私人樓宇更可行？
A: 先講私人樓結論，以玩樓呢個遊戲，聞名世界嘅香港，仍然未搞掂嘅情況下，好難可以推論澳門會掂得過香港，曾經嘅15~18年風光，留返第日老咗係三角花園捉棋再講。
另外澳門樓10年內，8成樓會超過40年樓，除非你買現在1x年內嘅樓，如果唔係勸你咪搞了。
呢次澳門跌市毫無防守力嘅，一就係舊樓、唐樓，二就係開放式。
以史為鑒，所以私人樓上面呢2范，無論點都係咪惹火上身。
如果一直係澳門生活，相信閣下應該有所體驗。
愚見認為，因港澳太近加上2個特區嘅特性，如果家裡無礦嘅，
首選香港地產股，然後香港樓、香港車位、最後到你可以Full Pay果陣，再諗借錢購買澳門不動產，到時候可以借到幾多年都無所謂了。
Q: 經屋永遠姓經的條件下，現在經屋的售價是否不值得入手，應該兩房或三房才可考慮？或一二三房都不值得考慮?
A: 澳門最近3期經屋(類似香港居屋綠表)分別係19、21、23開嘅隊，無記錯應該分別對應3,000、5,000、5,000個單位，然後因為23年果次5,000個單位，有4,000個申請，不過得3,000符合資格，因此政府基於一籃子原因( 各說各話不詳細解讀了 )，下次經屋開放申請適時通知。
經屋有樣好，夠新，1房先 "百幾萬" 其實唔算貴，另外有乜大事政府包底，
如你所說，唔鐘意咪原價俾返佢，利息都唔係好多。
假如你夠後生符合條件仲可以借40年兼9成。
到有能力出面買，到時候攞黎擺雜物、甚至係私竇、機房、甚至同另外一半嘈交都有個地方避，都係唔錯嘅選擇。
當然喇，他日組織家庭，肯定就唔夠住噶喇，到時候出去租就得。
身邊有朋友就呢個情況，後生陣無得揀只可以申請1房，結婚之後還OK，直到有小朋友就唔OK了，之後出去租，但因為呢個時候已經係2個人收入，其實又唔係大影響。
身邊脫離屋企，做咗租租嘅朋友，個個都話澳門簡直係租樓天堂 / 澳門買樓算鳩數喇！
Q: 等 2房經屋得唔得？
A: 首先，我都知3房、2房好，但政府唔係恆常開，下次都唔知幾時。
第二你確定下次申請2房一定符合資格？一定得？
21年同23年申請人數已經相差好多，21年係過萬人，經濟環境嘅影響你懂的。
呢個機會成本其實好大，如果可以上車，而且又係新車，上咗先！
Q: 外間普遍認為是認為蝕，認為樓價必須大於入貨價，而且原價賣比政府蝕通脹。
A: 呢到有幾個盲點，
第一，現在4、50年嘅唐樓都係幾十到百幾，唔通20年後通脹佢會變500？
以香港樓為例，樓升其實係地價同人工材料升，樓到一定樓齡後，係一路損耗價值。
如果真係咁簡單，咁美孚無理由跑輸！（有排講就唔講喇）
就算真係，你用百幾就買到嘅嘢人地要500先買到，唔爽咩？
至於你話：哎呀，賣唔到500好似輸通脹，但係到時候嘅500 一樣唔值錢，果少少有乜所謂。
除非你現在買嘅係過千萬豪宅，就另外一個講法了，果一百幾十萬嘅嘢，又有住嘅需要講通脹？
一世人得一間屋嘅，升幾多都唔關你事喇，係關你下一代事。
你有唔止一間嘅，咁呢間雞嘢，對你又有幾大影響呢？
第二，邊個話政府一定唔改規矩？有需要時，香港公屋一樣賣得。
官字有幾個口你自己數數。
第三，假若真係咁在意通脹、投資呢個屬性，你更應該不要買，更應該將全部錢走去投資ALL IN~
何必仲要比利息銀行浪費機會成本。
他日假若有成，比買經屋好百倍。
他日不成，申請社屋喇，同經屋咁上下咋，一樣住到死為止，仲免費添。
第四，反而你要擔心，你買咗之後，出面私樓繼續跌，搞到你好似買貴咗咁，但係呢個係另外一個盲點。只要你原價賣返比政府，其實等於你幫你儲錢，利息等於你買私樓嘅"樓跌險"嘅保費，除笨有精！進可攻，退可守。
上面鳩up、結論居多，無乜分析。
下個月都未睇到嘅嘢，諗幾十年後嘅通脹把鬼咩。
又唔係一億幾千萬要諗點對沖。
新樓，先百幾萬，又有自用需要，千萬不要算盡，因“中間變量”太多。
如果唔係，就好似早幾年買樓嘅人，就係算得太盡，完全無視咗風險，導致今日這般田地。
但，只考慮投資則反之。
用我個blog界面上面句說話講，現在係：逆~求存！
以上廢up，希望對匿名兄有用~
沒有留言:
發佈留言