澳門經屋(21年申請)開價之後，自 J 文一篇

故事前傳： 

澳門A區（港珠澳大橋落腳出面塊地）規劃起50棟左右嘅政府樓，分咗3期比人申請，分別2019年、2021.年、2023年，2019年樓市尚算高位大家爭住去申請，21年開始基本申請就有，23年最好笑，5,000個單位最後得3,000個申請，澳門住屋剛需(其實係班韭菜想靠樓賺錢嘅剛需)，正式係23年畫上句號！

最近澳門政府公佈咗21年呢批價單，3房貼住200萬就有（3,000蚊一呎左右），對比上年公佈嘅19年果批價單，減咗15%左右。唔知到時候23年果批又減幾多？

然後好多谷都有討論，截錄部份谷友論點，故事請自行腦補。

谷友們：

a.之前D私人樓最高成萬一呎，睇班友訓醒未

b.宜家D客唔會出手了，等到宜家都未買樓嘅人，無必要宜家呢口價出手買舊樓

c.有份工，有20萬，已經保底有間三房經屋

d.有錢你驚無樓住啊，49棟樓呀

e.2球嘢 到時你返中山住喇，仲嚮澳門托7咩

f.攞2球嘢炒股，15年後比份成績表睇下

g.揸樓果班， 有少少sense 應該腳都震9埋，除非不知不覺繼續吃香喝辣

h.就得個住，澳門又唔會有咩發展，到時候只聞新城A區新人笑，不見舊區舊樓舊人哭

i.八達新村 2 房放200萬35年樓，邊個買真係傻hi

j.班友成日攞香港黎比較，香港D政府樓仲係到排隊搶，澳門乜7都無攞乜同香港比，睇條垃圾輕軌同香港地鐵就知喇，比條毛咩

k.開放式睇佢點死，跟香港啊喇，仲2百幾萬揾傻瓜

l.唔係公務員果班好慘，跟本無得翻身

m.一直租樓好過，將D錢攞曬去投資搏下，第日輸咪攞福利買經屋或者住社屋，都好過呢D價去買私人舊樓

n.美景果個3房開4球幾嘅業主醒目，唔跟班友係6球到叫，遲D全部4字頭，睇班傻hi點算

o.金峰新村仲7球幾、8球買3房？山卡喇地方扮上菜

p.擎天匯，擎天半島果D咁多年又唔賣，係咪係銀行按曬準備走佬，同13一鳩樣？

r.E+無樓嘅已經係勝利者，如果仲有返1、2球係銀行，人生勝利組

上面咁多句，比較有感嘅係(g)，先知先覺，後知後覺，不知不覺。

現在澳門政府已經用第二次經屋價幫樓市定調，23年果批呢？明珠都匯應該係終極一棍嘅時候，食瓜嘅繼續食瓜，跟住係咪機會，飛雲~

呢次澳門樓市，跟本就係收割2代人，個個早幾年都係靠老豆老母，按樓比首期借凸推落去，呢波大浪無中蕉嘅， In Macau 2公婆打份工，加埋有4、5萬已經係人上人，姐係4、500萬左右嘅樓就係呢班購買力嘅上限了，如果閣下揸住間樓覺得仲有4、5球以上，無論3房or2房，自己諗由邊個買？唔係無人買嘅，但會唔會係呢堆自J值4、5球，又30年以上嘅舊嘢就見仁見智喇。

仲記得好多年前有人問我澳門樓點睇，海一居點睇？

淡友嘅我擺論點之後，俾意見話：真係搏嘅話海天居現樓好過海一居。

條友一句："啊乜乜，你有無樓啊"

果下我仲記得我係唔識得回應佢，

心諗：大佬我係租租點會有啊，要有樓先可以講樓？咁我成手香港地產股，同埋有D保利達嘅股票算唔算？當然，結局係我無係樓到賺到，最後我亦都無係樓到輸獲金，但佢買咗海一居。

有D人上手副牌其實好靚，不過真係唔識得打又自以為是，睇到我都覺得可惜，同時令我自己警惕咪好似D人咁傻。

亦有部份聽勸有思考嘅，志雖不同但道合，嘗試改變命運，暫時睇落荊棘滿途，但已經比好多人好了，起碼避過呢次樓劫，以後仲有計傾。

至於富貴，大家八仙過海各顯神通了，我都希望第日老咗仲可以有幾個人吹下水，去旅行環遊世界，呢次樓劫翻唔到身嘅人，就咁嘅料，老實講，仲講條毛咩~

hey~ 偷睇我篇 J 文嘅，就講你呀~ 幾時找數！唔係下一波呢 ~~~

有趣~