增持 長實(1113)

買入少少長實(1113)擺下，就搏51蚊俾貨大股東，希望執少少可以同家人去食個台式紅燒牛肉麵。

朋友M名句：洗濕咗個頭，含淚都要繼續玩落去。

增持 中聯通(0762) + 長實小記錄

今日見跌市，買少少中聯通(0762)壓驚。

另外長實(1113)業績會公佈嘅世紀財技，無疑比上次電能同長建有深度，上次隔硬黎，今次個方案我睇短、中、長都有J點，算係各方面都有得打飛機。究竟李家咩葫蘆賣咩藥，有興趣嘅不妨天馬行空去諗諗。

可惜今天垃圾中石油(0857)仲向深海潛水，倉入面最重貨嘅雙頭馬車一上一落，搞到今日無咩亮點。

不過無論點都好，現在手上仲持貨，過往一年買入嘅長實全部返家鄉。股到爆升方恨少，信念唔夠......出返個記錄J下先。

今年開局一洗頹風，霉咗2年終於爆一爆。

沽出:中海外(0688) + 買入:中聯通(0762)、中人壽(2628)

 "即月仙"隻中海外(0688)，又執個下午茶，睇黎呢隻今年利我，等我多D關注佢先。

中聯通(0762)好似有見短底跡象，而且今年都叫有D波動，再買入一注試下水溫先。

中人壽(2628)喺呢個位都磨咗段時間，買少少搏佢1、2蚊。

再買 中海外(0688)

最近睇咗幾套異世界轉生動畫，有D幾好睇

好~就買返中海外(0688)，返兜一下重新開始。

垃圾中石油(0857)最近跌唔落，難道將要迎來石油股嘅春天？

另外長實(1113)雖然無其他地產股咁亮麗，但都叫收貨喇，重倉繼續持有。

建倉 中人壽(2628) + 沽清 中海外(0688)

中海外(0688) 年頭出入過一次，3日前又買過，尋日坊間解讀波叔搞到港股股災跌一棍，收市set咗口價差0.04買唔到，今日中午就爆上10隻+，坊間智慧好消息出貨，少少地賺佢1過幾豪買隻鹵水雞脾加加餐。

呢排出出入入無貨係手有D驚，跟朋友買少少中人壽(2628)壓壓驚。呢隻嘢幾年前搞到我輸大錢，當年好似仲要成24蚊貨，好~就同你搏一po

建倉 中海外(0688)

友語錄：個個都係賭，你問個賭仔做乜買莊唔買閒？

新年後"舊經濟"股升到哄哄聲，係咪就散水無人知，唔趁升陣賺多D，跌果陣點L算先，贏谷輸縮買返少少中海外(0688)，睇下呢個星期賺唔賺到隻鹵水雞脾加餐餸先。

老老實實哪~ 中移動(0941)中海油(0883)都係比美帝搞，人地破曬短頂，你乖乖地跟下好無先。

隻垃圾中石油(0857)一直坐艇唔敢短炒，點知上2個星期屁股痕，走去買黎炒下，點知放咗之後就玩破頂，搞到有D心理唔平衡。好彩隻長實(1113)呢幾日算爭氣，賬面開始有個豬扒飯賺下，唔知+x哥可唔可以比我賺多杯凍茶少冰呢，即本繼續揸揸佢。

清倉 中聯通(0762) + 走貨中石油(0857)

今日早上個市有蠱惑，中移動(0941)死都唔跌，聯通(0762)走去玩扮跌。好彩頂得住大戶呢場戲，中午打後電訊股發力，算數了，你要就俾你，我唔玩喇，清咗中聯通，4日執個蹦沙牛腩河食下，好滿足。

另外走埋新年前入嘅中石油(0857)，呢隻超級老千，見好就收，以前嘅艇貨繼續揸。

朋友推隻"感恩"生殖(1753)，又真係爆wor。可惜早上未走貨無錢買，E+升咗又唔想買，加入list觀察下先。

加注 中聯通(0762)

 贏谷輸縮，午市開場加多注中聯通(0762)，睇好北水開閘落黎養韭菜。

建倉 中聯通(0762)

今日喺值得紀念嘅一日，手上最後2隻股票升到我都覺得驚，講賬面今日嘅升幅係歷來最誇張嘅一次，可惜個倉仲係負數，連隻萬年中蟹油(0857)都升，我怕係見頂嘅預兆。希望升多一頭半個月等我返家鄉再股災。

買入少少中聯通(0762)，搏炒舊經濟股追落後。都諗過中海外(0688)，不過最近成交少咗好多，電訊股之前升過不過中美關係又跌返，搏佢關係回暖返得上去算。

清倉工商(1398) + 增持中石油(0857)

農曆新年前清咗隻工商(1398)，呢隻嘢真心悶死，上年7月開始買佢等咗半年執得果少少。

最近開咗牛牛睇散戶中石油(0857)留言，個個都EE哦哦話佢廢，的確又係幾廢柴，買入少少同大家一齊屌乸星。美股嘅牛牛真心超勁，可惜我唔玩美股。

上次話留意MGM(2282)，真係留意lo，一個疫苗消息升曬上去了，遲D再睇算。

新年快樂。

參與大時代：清倉中海外(0688) + 交行(3328)

 尋日3,000億成交破曬記錄，啊爺北水買入都破記錄。連帶港股我重倉嘅長實(1113)都升咗HKD1.7，即刻返咗家鄉好爽。

短短3個星期中海外(0688)獲利過萬，收貨喇清曬佢。另外隻交通銀行(3328)上年8月買嘅，揸咗差唔多半年好悶頂唔順，賺少少走佬算。今年開局有D喜色，希望黎緊輪到其餘倉底貨。

手上多返D錢，留意緊MGM(2282)同金沙(1928)，或者短期內會買少少試水溫。

增持 中海外(0688)

 上年尾貪得意買少少中海外(0688)，唔夠2wks跌咗差唔多10%，見好似跌定咗，增持一注壓壓驚先。

中移動(0941)係 “2018” 年輸過大錢，當年76蚊走貨，如果無走今日真係得啖笑，今日某刻都想沖入去買注，可惜受傷後遺症令我卻步。工商銀行(1398)開始有點微薄利潤，如果下星期呢2隻嘢表現繼續走相反，應該會出工行買中移動搏下。

今年一開波，身邊唔少人已經炒幾轉賺唔少，希望下個到我。

年結 2020

2020話咁快又玩完，今年仍然無咩起色，繼續順住2019嘅態勢掙扎緊( 2019年結 )。

股息收入按年升 +15.51% 創新高，年頭匯豐(0005)換馬長實(1113)，呢部分嘅股息相差唔太多，好彩換咗，假若仲揸住大象嘅話屎都無得食，何解大家都知無畏廢話。而增長點喺隻垃圾中石油(0857)，年頭溝咗注加上今年無la la加咗中期派息。

買賣方面就俾隻大象(0005)累全家輸到爆廠，最後慢磨靠長實(1113)、聯通(0762)、領展(0823)、新鴻基(0016)、工商(1398)、太古地產(1972)、嘉華(0173)同隻置富 (0778)追返大半，出咗貨嘅部分埋數計 -63,115 慘慘豬。

**值得安慰嘅，( 股息 - 投資買賣損失 = 有小小賺) 雖然少得可憐，哈哈哈~又賺咗經驗。

組合得返5隻，按年尾最後一個交易日價值排，首位長實(1113)，然後中石油(0857)，工行(1398)同交行(3328)，最後中海外(0688)少少倉位搞下笑。2019年結時股票組合賬面 -12.50%，今年承接上年條數再輸多約 -3% 去到 -15.42%。

中石油無乜好講，純粹幾年前艇貨。重錘長實係幻想呢次疫情之後，香港可以回復生機，所以押注落去地產板塊，本黎打算賭股都押，不過跌得唔多，算數了。

呢次最慘係股票跌樓唔跌，準備咗咁多年終於等到大劑嘢，點知遊戲玩法變咗，澳門樓跌少少，香港樓乜無點跌。無計唯有重新出發，雖然樓無機會，不過股票仍然機會處處，可惜錢太少~

今年香港政府按揭政策改咗，根據澳門經驗，現在600萬左右嘅2房，仲會繼續升，欠缺嘅係一個理由，幾年後隨時900萬+。(姐喺睇好)

無無聊聊記錄咗5年blog，下年繼續鳩up ~~

4 年後 再次建倉 中海外(0688)

對上果次買入中海外(0688)係2016年尾，記錄顯示當年買入價位係22.x，然後係2017年3月(@25.x) & 7月(@26.x) 賣出各50%，持貨大半年成功全身而退。

時隔4年，今日係股友M加持第三注之際，跟風買入(@16.5)少少試下水溫，揸佢半年再算。

增持 長實(1113)

尋日睇新聞話黃竹坑第五期長實(1113)有入標，見又穿返40樓下，買少少坐坐貨。

今年嘅長實~ 見血浮生

沽清 置富(0778)

呢幾日舊嘢升到bomb bomb聲，呢隻雞肋股置富(0778)，趁揸咗貨未夠3個月，賺少少夠食個下午茶離場算。

主菜長實(1113)呢個星期好威猛，有注係36.5撈到底，升咗10%+。不過隻垃圾中石油(0857)尋日升少中海油(0883)成半有多，無眼睇佢，返到3蚊樓上先再算。

身邊股友仔上禮拜仲係到新經濟股無限列車篇，又吹又捧又話全集中呼吸去買，呢個禮拜到位全部縮得個睇，風水輪流轉，股海定律。

增持 工商(1398)

 個市咁升法，內銀都叫有少少反應，唯獨工商(1398)無乜反應，我就買返少少加持下睇下係咪咁"非洲"命。

過多個星期收中石油(0857)股息，你老闆有時候真係唔怪得人唔中意啊爺。

長實(1113)仲係咁7霉，新鴻基(0016)都上返唔少，就你隻仆街唔7升，心都淡鳩曬。

繼續增持 長實(1113)

長實(1113)今年咁多注入面，最平果注34，最貴49。

今日見朋友入咗少少，膽粗粗都跟入返DD，原黎40樓下幾乎無貨，呢Round貨最高位去到51。

撈底唔識放，摸頂無膽走，比我呢個散戶應驗曬。

真係富貴有如浮雲，但你老闆浮雲係我命根呢~

增持 長實(1113)

 呢2日有D feel，策略增持少少長實(1113)短炒下。

建倉 置富(0778)

尋日內銀派成績表之後大戶話要跌，可憐我上星期搏一搏變搏艇，睇黎要坐一排。本黎想溝內銀，不過諗諗下，個人猶豫都係唔好溝住，等等再算。

唯有買D其他類型嘅股票壓制下心魔。揀揀下，揀隻之前某blogger大神講過嘅置富(0778)，一直想買呢類型嘅股票今日終於落手了。


朋友金句："做好輸錢覺悟嘅人，先有資格贏錢！"