再獲利一注中海油(0883)

中海油(0883)股價高位觸及HKD14.04，按【風清散貨心訣】每升多過上次放出價0.5放一注，短短一日再次鎖定利潤@HKD14.00，下次目標HKD14.50應該無咁快喇呱，如果放埋今年買嘅貨就無曬，再黎就要出D倉底貨，唔係太捨得。睇返記錄呢注係4月頭買入@HKD11.10，當時記錄心態係博個下午茶，又真係一個月唔夠就博到。

市場消息話特朗仔退出核協議影響油價，佢係咪真係原因唔緊要，在我睇黎佢係催化劑嘅感覺多D。以佢隨時爆呢種格調，Follow 佢消息唔慢得大戶太多。

發圖紀念下，重倉果D入曬10大成交。(匯豐，中海油，中石油)

記得對上果幾次記憶，其中中石油(0857)之後都係跌到趴地。海油破曬頂，石油都未回鄉，希望咪咁快打柴喇呢次。

但個市近期成交唔高，係咪散戶未反應過黎仲係到睇定定，其實已經開始突破？

另外：重新將中人壽(2628)，中移動(0941)納入觀察名單。