股市日記 - 中石油(0857)都爆上

2018/05/18上午成交

今日股市呢幕，石油股絕對有鏡頭，中石油(0857)報HKD6.49(+0.37 / +6.046%)，唔睇市況仲以為係牛3添~，印象升得咁誇張又真係好似係牛3尾段。

多得咁樣升一升，我個pool又漲咗DD。呢隻嘢都橫行咗好耐。對上果次上到呢個位係今年1月果陣，但係好快就跌返落去，印象好似跌到去HKD5.2附近。

乜事咁升法，原黎大行出黎唱好，梗係喇布油上都到80，紐油都72囉，(咪問點解好似差價咁闊嘅，之前係無咁勁嘅，呢個係市場決定嘅就咪理咁多)，記得之前有位林X利財經分析員好似話過，中石油估值大概應該係油價除10左右，按呢個說法咪仲有水位？

睇返大行講咩：該行認為，投資者不宜對中石油過早套利.....

按坊間陰謀論分析，其一：大戶未散曬貨，讓大戶先走。其二：突然升得太急，大家一齊買繼續收乾D貨，有錢齊齊搵，等再高位D一齊玩音樂椅。

經過近1年價投式買入，手頭上都叫有D貨底。之前1月高追部分終於返家鄉，連自己都佩服敢咁樣買落去揸到E+都未放。

還記得當年大陸有首抽水詩：問君能有幾多愁，恰似滿倉都是中石油~

油價繼續睇升，收割之路越近了.....但未到！忌急用忍。






不過根據過往經驗，一個月出咁多po，好快就係調整lu~~~ 慘，早前買嘅長和系咪有排坐tim~