止賺一注 中海油(0883)，買入匯豐(0005) 美高梅(2282)

今日股市成交1,063億，升669點(+2.54%)，屬2年來升幅之巔。


同日由於油價造好，中海油(0883)收市HKD14.72( +0.56 / +3.95% )，股價方面已經破今年前頂HKD14.62，計埋股息(HKD0.3)實際已經等於HKD15.00+，維持上一貼看法再止賺一注中海油。餘下還剩2注，計劃每上多HKD0.6就放一注。

另外持有嘅中石油(0857)今日收市HKD5.94( +0.282 / +4.98%)同日除凈股息大概HKD0.1，計今年高位HKD6.6左右仍有距離，對比中海油跑輸，但跑贏HSI。



由於近日減持持貨，現金上升到接近30%，決定換馬匯豐(0005)同美高梅(2282)。呢2隻股票近期係我個Pool入面屬跌得最多嘅，且已經跌入我策略增持線，既然資金相對充裕，大市又突然急彈買少少壓壓驚。

另外長實(1113)近日有誠哥增持 4 次，動用資金 6 億，個人覺得亮點係增持量達 0.3%。本身大股東已經係只買不賣，而且持貨量頗多，係呢口價肯買賣嘅街貨估計亦唔多得去邊，近日少少資金就可以抽起幾個%，本身已經跌到頗殘，加上本年動作多多，故事又比較Sexy。繼續睇高一線，預計 HKD55 附近會大手買入，短炒目標 HKD60，長揸就 HKD70。

股災時撈底喺高風險投資行為，所以要求高回報喺理所當然。但高回報唔喺我地平時所希望嘅幾成的回報，而是動則一倍以上的回報，才能衡量當時撈底嘅風險。