獲利一注 中海油(0883)

中美貿易戰，股市越跌越有，組合中嘅王者中海油(0883)反而逼近今年高位HKD14.60。經詳細考慮決定割草走貨，放出2017年5月開始持貨至今嘅倉底貨。做此決定原因有三：



其一，中海油(0883)賬面獲利豐厚，本次減持雖有賣出好股之濾，但考慮手中還持有較多中石油(0857)，如果石油板塊繼續上揚，只屬賺少DD。萬一真係唔輸當贏嘅熊市，呢次操作就係神來之筆。

其二，大市仍在探底，但中海油股價反而仍在高位。最怕熊市之下無運行，趁現在有利可圖鎖定利潤，補充現金流用作撈貨之用。

其三，油價已在高位反復良久，中海油今年波動亦都較為明顯，難以判斷市場避險流入資金 or 屬睇好石油板塊擇優買入。既然如此，博一博短期跌返次，再撈貨坐過。


匯豐(0005)跌跌下已經接近HKD66.00，由今年高位睇叫跌20%左右，但用現價參考就係要升返接近30%先上返今年高位。香港如果加息或者會令匯豐彈返上去少少，但要轉跌為升，暫時未見有此條件。

美高梅(2282)，短線已經輸20%+，加上大行唱淡，睇黎短期波動會繼續，但究竟大戶要mark到乜價，稍作觀察再跟未遲。