對上果次買入長和，諗住跟誠哥食個龍蝦伊麵餐，點知最後輸到一褲都係。最後含淚70蚊走曬。
(黎張圖打自己飛機先)
時隔5年後，今日47蚊再衝入去，不過今次跟佢個仔。
上次每口買一手，呢次double起孖~！2手。
上個月重新出發，在從新手村練級。經過一輪同史萊姆激烈嘅搏鬥之後，世界之聲(系統通告)告知升咗3 LV！
轉生時所有屬性無曬，不過繼承咗3個高級符文：
中石油、中海油、嘉華
同時得到中階符文：
建行、中銀香港、中華煤氣、長實、長建、
電能、恆生、鷹君、希慎、恆隆
初階符文：
朗庭、東風、廣汽、匯賢、泓富、
富豪、中海石油化學、中國光大水務、
SOHO中國、新鴻基公司、中國飛機租賃、Vtech
一次性符文：越秀地產、萬州國際、澳博、7288南方，羚邦
同時間中咗詛咒：佳源國際
現時返新手村休息下，下個月前往"蔓狗洞窟"探險。不過未出發之前，遠見條路烏雲蓋頂。
恆指已經係2萬點來回，參考過往經驗，呢個位置值博率頗高，最恐怖上年11月已經過去，黎緊1~2年賭佢唔會再黎多次。跌嘅時候唔敢買，升嘅時候唔敢追，呢個位置正適合我呢D無膽小散分批買入。
暫時選定以下股票優先建倉：
中石油(0857)、中海油(0883)、中石化(0386)
建行(0939)、中行(3988)、交行(3328)
中銀香港(2388)、長實(1113)、長建(1038)、嘉華(0173)
候選股：
長和(0001)、電能(0006)、信和(0083)、東風(0489)、華電(1071)
資金有限加上性格使然，只向呢個方向策略投入。三桶油通脹必備，以前就係on鳩信"眼光"，只買咗2桶買漏中石化，點知早幾年升到仆街，今次買曬唔好煩。內銀打個後場防守下，香港價值火車頭，金融同地產要買D。
上年成績表已經出咗!截至29/3數據
中石油：0.20258 + 0.22 = 0.4426 (約) ，收市HKD4.34
中石化：0.16 + 0.195 = 0.3550，收市HKD4.62
中海油：0.7 + 0.75 = 1.4500，收市HKD11.74
每一蚊港幣投入對應RMB股息/末期股息比例：
857 : 0.1019 / 0.0506
386 : 0.0768 / 0.0422
883 : 0.1235 * 0.88 / 0.0638*0.88
= 0.1086 / 0.0561
上年油價平均接近100蚊，今年暫時75蚊左右，如果下年唔提高派息比率，揸貨收息肯定大打折扣。至於股價點調整，就睇市況點。最緊要記住一樣嘢，派息係會扣股價，唔係銀行定期存款唔扣本金。
我睇啊爺油股好簡單，就係按上面簡單除數買黎揸，唔使同我講賺幾多，派息比率幾多，無用嘅。原因好簡單，就算唔賺錢(857早幾年)，一樣有息派，而且啊爺D嘢唔會賣，就算賣或者拆(好似油管網絡)，都唔會關你事，派息政策三幾年改一次，睇佢講咩再算就係。
唔好以為佢賺多幾多對應會派多幾多，唔好攞鬼佬油股同佢對標。班大佬係打工唔係分股票，利益關係你懂的。
結論係：
短期噬肥而食 883 > 857 > 386。如果睇下年，油價平咗386大概率會返生。千奇咪用今日角度同佢定終身，除非你6.x買嘅883、2.2買嘅857仲有係手另計！
仲有樣嘢，如果短炒嘅，得閒不妨去睇下futu班大佬、散戶、韭菜點打飛機，或者對你有啟示。
近排個市到石油股升，可惜提早落咗車。
休息咗一個月，心態調整完畢！！揸住Cash 始終唔啱我。一直想整返個收息倉，擇日不如撞日，睇黎睇去都係揀咗內銀。
追蹤內銀939，5蚊起步，每跌0.05一注，頭3注單位為一，跟住4~6注double，7注打後3倍。以上次見底4.1左右做目標，同佢死過。如果食到個浪，留最後5口長揸。
今年年頭承接上年氣勢繼續升咗陣，農曆新年過後個市感覺開始牛皮，清倉牛牛同大部分股票做個定期休息下先。
可能係上年摸底走MGM影響，今年戰戰兢兢，艇咗5年嘅中石油終於返家鄉了，賬面賺少少攞個彩，加埋收咗幾年股息，把心一橫決定套返現，重新部署再出發，不過出發前，先休息下。
仲有少少內銀、中海油同嘉華，有少少賬面護城河就擺住先。
返新手村調整裝備打陣史萊姆先。
今年好犀利，乘上年年尾反彈嘅勢，今年股市繼續一飛沖天，新年開紅門，霉咗幾年，終於一洗頹風。
農曆新年前最後一個交易日，好消息不停。
首先牛牛倉短短3個星期，賬面獲利已經超過上年。
因油股帶動，石油倉貢獻十分可觀，除咗最後一隻嘉華(0173)差少少返家鄉外，其他成員都係呢個星期同時回鄉，挨咗幾年疫市，現在熱淚盈眶中。
2022年坐過山車，一個11月跌幾千點，一個12月上返幾千點，爽丫丫。
主力偽價投倉：
股息今年石油股繼續發力，收超多股息，同比 +56.22%，繼續破記錄。
可惜美高梅(2282)走寶沽在最低位，最終全年交易累計虧損(-53,377)。
未套現貨底，最後一個交易日執筆時輸：(-8.08%)。
如果拉勻股息 & 交易 減返未套現部分，總計輸：(-26,906)，咁嘅市況算有交代，暫時叫不過不失，下年穩中向好。
futu搞笑倉：
今年開始玩短炒，亂黎嘅成績都叫唔錯(+76,755)。用券商的確上癮，手續費好平。
主力偽價投倉 + futu搞笑倉 = +5皮，下年夠去個日本旅行 ^_^
1個月之前，整咗個“百萬教育基金List”，準備慢慢付諸於行動之際，就咁就見咗底。(詳細睇上一個post)
唯一嘅動作就係買咗1萬股建行(0939)@4.17,同埋3萬股中石油(0857)@3.03，一個月之後，就然後沒有然後鳥...... >_< (烏鴉飛過....傻瓜！傻瓜~~)
整返個對比表格打個飛機先。期間升幅最勁係地產系列，最估唔到嘅反而係中海油(0883)差一格包尾。恆隆都令我跌曬眼鏡，跑第一。
一個月之前敢買，仲收乜息，不過永遠無後悔藥食亦都無水晶球。散戶唯一優點就係轉身快過大鯨魚。跌落地都要碌返個跟斗型一型。
最近都買咗D其他股：佳源(2768)夠老千、越秀服務(6626)穩中求勝、中遠海控(1919)夠高息搏佢除淨彈返棍、中移動(0941)夠大隻夠安心、建行(0939) & 工行(1398)悶得夠耐估你彈多10隻賺個叉燒飯。
 |
清倉MGM，一殼眼淚！Y_Y 呢個月3隻股票派糖，亦喺今年最後派彩，所謂價投被動收入。 " 883、173、857 "    好彩呢3隻嘢嘅股息，夠頂隻垃圾mgm條爛數，唯有攞返D傷心錢，以支日後東山再起。 持倉賬面仍然輸緊18%，今年股息收入繼續破記錄勁過上年，完全多得石油股，扣返股息收入，個pool暫時都要輸11%左右。 |
今日大成交，加上跌-1,030點。你話唔係股災就假喇哈，身邊D少聯絡開嘅股友今日都有2句，唯肯買貨嘅少。
以年計，恆指已經跌咗11,000點(26235-15099)左右，就呢個月已經跌咗3,000點(18164-15099)，呢個星期第一日就1,000，環環相扣。
轉用牛牛玩咗短炒三個月，出出入入手續費真係平，睇黎以後都唔會再點用銀行買賣股票喇，早幾日剛好達成【交易累計】500萬成就，真心好似打機咁。有位友人比我早用牛牛年幾，即刻po張圖激勵我。
不解釋，請受小弟一拜。Orz
呢3個月總共買過21隻，其中有4隻仲揸住喺手。2星期前仲開開心心賺緊3皮幾，呢2個星期咩事大家知喇就唔廢話，艇到懷疑人生，真係買埋未夠填氹，直接上圖少廢話。
最慘係溝到無曬錢喇。十幾隻賺埋未夠5隻輸，睇黎我未夠道行，要繼續努力。
今日係部分谷到收到風，話散戶們個個"嗷嗷聲"話唔對路，競價時段先走金沙(1928)，壯士斷臂沽清無眼睇，金沙D貨正好揸咗1年，最高果口HKD26.4買，埋數計輸到仆街，唯有當上個月收股息收少D。
今年燈力十足，中海油(0883)夠膽死HKD12.2高追。手頭減剩4隻股票，繼續回籠資金，以防大戶再打落一格玩果陣，唔怕無錢跟"頭鱷鱷"得個睇字。
手上頭3隻重倉股都係呢個月派息，挨咗半年終於可以品嘗股息嘅甘甜！
頭盤中海油(0883)今日派息，可惜遇上疫情無得出去食餐大嘅慶祝，唯有叫個外賣Shake Shack開心下。坐咁耐就喺等呢個月，下星期到嘉華，之後到中石油。襯資金回籠，個pool要得閒執執佢先。
883我有戒心，油價咁上法股價都去唔到2018年個高位(2018油價都無E+咁高)，怕佢好似386咁一路派高息一路係咁跌，賺息都唔夠艇。雖然現價吸引，都係小心為上。
嘉華(0173)除淨之後一直陰上蠱蠱惑惑，近日個市氣氛差，今日收市前出咗少少有賺嘅，回籠少少Cash預返少少彈藥，如果個市繼續尋底，之後可以有多少少底氣可以"血拼"下。不過唔知乜事，最近感覺好硬，如果跌返落 HKD2.8 附近會優先買返。
上個月買中海油(0883)即刻被打臉，跌到昨日低見HKD9.9。
油價近排跌唔少，不過6月就完，不完全統計平均係USD100+，中海油4-6月每股盈利應該喺HKD0.80 以上，加埋第一季HKD0.77 ，上半年業績應該爆燈，先唔講派息幾多，至少係E+兵荒馬亂唔知買乜好又手痕嘅情況下，自我安慰買少少無壞。海油之前話回購但到現在都未見聲氣，或者啊爺都無諗過D油價咁勁，希望唔會低調標嘢標到年尾先回購幾嘢就算。
繼續策略增持中石油同中海油。個pool極唔健康，石油股佔差唔多6成，不過反而自我危機意識高咗，每日都覺得好刺激。
輸得最多繼續喺濠江娛樂版塊，一殼眼淚，間中一D雞仔注賺少少短炒，對大頭影響忽略不計。
地產板塊繼續平手，雞肋~
2022話咁快過咗半年，今年玩咗半年，尋日收市計賬面得個吉，學掌門人話齋~
最近香港出咗個調查報告，話公務員今年加人工嘅指導標準咁上下嘅嘢，結果出黎後，傳媒俾大家睇到清一色嘅訪問，個人總結喺："咪玩喇，加你個頭"。原因理由各異。幾個訪問喺咪代表全部人？肯定話你G唔喺，至少潛在嘅既得利益果班，"聰明嘅"公務員喺想加。
總結：憎人富貴嫌人窮典型嘅思維。
其實政府最難，加......就比人話，肥上瘦下，拉闊貧富......唔加，點支持社會消費，鞏固有條件消費階層帶動消費，萬一連呢班階層都縮就神仙難救。全民派？有條件就話姐......(唔明就自己科普下南非曼德拉嘅故事)
香港政府點處理呢個問題，就睇領導人魄力喇。
早些時候，喺一個谷入面，亦曾有過類似問題嘅花生：
公務員谷友.......：今年又無人工加喇。
銀行谷友...........：呢D時候唔減你地班公務員都偷笑喇，仲想加？出面好慘噶(佢做間銀行有加)
窮代表上身谷友：呢D時候應該同甘共苦，減人工。
銀行谷友...........：哇......乜你咁衰噶，E+出面咁慘，你仲想一齊仆街，反社會黑心右膠。
花生派谷友.......：哇.......乜唔好咩？你唔係呻你買唔到豪宅咩。你同你另外一半喺公務員，減人工出面一定大地震，D樓跌多3~5隻就幾十萬噶喇，自己諗下幾爽。唔通好景時業主唔加反而減俾你咩。
......
(之後就無人出聲，估計大家教徒上身，默默地祈禱，祈禱乜唔知，或者喺祈禱世界和平) - “以上對話為求有參與感，用三國演義模式演繹”
繼續，唔加喺咪代表好？
若果公務員減人工，對果D準備充足，手上握有資源嘅人反而最有利，原因好簡單，只要社會喺預期向下，咁手頭上嘅購買力喺反而會上升。越有條件嘅人應該越讚成....."共度時艱"。
特別公務員，唔好唔記得銀行E+最肯借喺借俾乜人？邊D人最敢用手頭上嘅錢？反而加人工，每個月賬面喺多咗，但背後條大數就未必有著數。
當然喇，以前使慣用慣，話自己係咩福地長大嘅土生村民，平時唔儲資源出糧呢到打卡，果到po儀式感嘅果班人，呢D時候就咪葡萄仲用緊iPhone6 嘅果班孤寒撚喇。
講到尾，喺贏嘅果班人，無論升跌佢都喺贏。無它解，優~則勝。
睇到呢到，
如果閣下應對疫情仲游刃有餘輕輕鬆鬆，恭喜你。
如果閣下有反思，都恭喜你，你將會變得更成功。
如果閣下覺得on鳩，唔緊要，大家咁話。
點都好喇，有緣睇到呢篇膠文嘅都唔好XX我.....其實無論點，本人都無任何問題。XX喺乜？自己諗喇~ wahahaha
