樓市無聊up：澳門第三季整體住宅樓價指數為183.3

明明澳門早2、3個月平均樓宇成交呎價升十幾%，有D呎價去返成萬一呎，衝上18年高峰，AA話貨尾單位供不應求搶都搶唔到，成個市場一片欣欣向榮。你班地產商會早2日居然公開呼籲政府出政策救市，居心叵測？亂澳之心人人得而誅之，當時好多“友人”都係咁睇。

但......今日

引用AAstock網頁資料：

澳門第三季整體住宅樓價指數為183.3

澳門統計暨普查局資料顯示，2026年第三季整體住宅樓價指數為183.3，較第二季下跌4.7%，現貨住宅(194.9)和住宅樓花(241.6)指數分別下跌4.9%及1.4%。現貨指數中，澳門半島(184.3)和路氹區(238.4)按季分別下跌5.6%及2.6%。按樓齡劃分，11至20年、20年以上的住宅樓價指數分別下跌0.7%及3.1%。

按單位實用面積統計，50平方米以下的樓價指數按季下跌2.2%，50至74.9平方米的亦下跌4.8%。與去年同季比較，整體住宅樓價指數下跌4.3%，澳門半島(180.4)與路氹區(195.2)的跌幅分別為4.4%及4.1%。

永遠懷念 "沈大C"

今日yahoo新聞(見下短評)，著名股評人、人稱「沈大師」的沈振盈昨日(24日)離世，享年65歲。

沈振盈自1992年起投身香港證券界，為前訊滙證券行政總裁，兼資深股評人、專欄作家及節目主持人。沈振盈以敢言見稱，其最具標誌性的言論之一，是2007年在恒指上升時曾提出「一股不留」，其後市場大幅下挫，成為流傳最廣的一句。

「而家入市，輸咗搵我！」也經常被並列引用，加上2008年股市因樂士復牌引起斬倉危機，導致股市全面崩塌。而其「美股死期到」的看淡美股言論更被嘲為「燈神」式預測代表作。

因此被冠以「燈神」綽號。

但沈振盈生前豁達，表示自己早已見慣世面，並認為大市低殘時「灰心無用，倒不如有策略地慢慢收集」。在2024年1月31日，沈振盈正式宣佈從證券界退休，辭去訊滙證券行政總裁一職，轉型為財經KOL。他坦言，對於離開傳統證券行業雖感不捨，但證券行工作壓力很大，並在輕微中風後已有辭職打算。

上年好似係BNU請佢黎澳門開分析會(粉C見面會)，我都有報名，可惜後來打風改期我要返工去唔到，無機會同大師合照。下年仲諗住去見見佢，但E+無機會了。

係計~~當年錯過了長和前主席李嘉誠先生最後一次股東會，無去合照同攞佢個保溫水壺之後，又一件無法挽回嘅遺憾事。

有次睇節目佢答觀眾問題“佢有幾多身家”，我仲好記得佢話接近8位數。雖然以佢報稱嘅身家，做一個吸粉嘅財演略嫌唔夠料，但我欣賞佢坦白。佢公開嘅投資成績成日俾人笑，但我都幾鐘意佢果種面皮厚嘅精神，而出色嘅投資者必須眾人皆醉我獨醒。

永遠懷念大C！！

呢個月無乜好up，就出個收息統計J下

2017-2026年，收息總數Top 10  - "累計"

平均每年多2~3個月人工，小小金庫，夠吃喝玩樂了。

呢幾年收息收收下都幾上癮，個人會懶唔想買賣。

自 J 記錄：3 件開心事

第一件開心事：首先喺渾渾噩噩、唔知唔覺、聽日出糧，
特別啱啱放完個大假，感覺上好似呢個月唔使做，

咁就又有股票啟動資金落袋，潑天嘅富貴頭頂跌落黎，

咪笑小弟胸無大志咁就滿足，我就喺咁簡單噶咋。

 : P

第二件開心事：6月播種嘅博彩股開始發芽 --> Link

繼續睇好之前價位買入嘅博彩股，雖然嘉華(0173)輸到我7彩，

不過銀河(0027)加派息比想象好，填補返少少嘅空虛都算小功抵過。
繼續持有 Strong Hold~

第三，啱啱自己洗完冷氣，舒服曬~

開心事3件，所以呢個月唔咁hea，出第二篇文！

澳門經屋(21年申請)開價之後，自 J 文一篇

故事前傳： 

澳門A區（港珠澳大橋落腳出面塊地）規劃起50棟左右嘅政府樓，分咗3期比人申請，分別2019年、2021.年、2023年，2019年樓市尚算高位大家爭住去申請，21年開始基本申請就有，23年最好笑，5,000個單位最後得3,000個申請，澳門住屋剛需(其實係班韭菜想靠樓賺錢嘅剛需)，正式係23年畫上句號！

最近澳門政府公佈咗21年呢批價單，3房貼住200萬就有（3,000蚊一呎左右），對比上年公佈嘅19年果批價單，減咗15%左右。唔知到時候23年果批又減幾多？

然後好多谷都有討論，截錄部份谷友論點，故事請自行腦補。

谷友們：

7月小記

美團(3690)回鄉，減咗2/3倉，調整下節奏，將來會睇位會加返少少，順便收返D彈藥準備加賭股。

建倉金沙(1928)及加倉銀河(0027)，銀河坐貨中(-2%)，2倍恆科(7226)繼續輸到仆街，

東曜藥業(1875)佢個故事我幾睇好，繼續坐潛艇中......

7月我個倉加埋有一百幾十手股票有息收，夠去個旅行開心下。

另外，

啊爺最高機構將房屋定位為：耐用大宗消費品，明嘅都明。

澳門發展商繼續出力做市，一個月澳門半島樓價升3x%，好L勁；

當然喇，如果係薪酬推動嘅升市，小弟係支持的；

不過小弟都係繼續睇政府個 [明珠都匯]後續，其他嘅花生下就算。

擎天同金峰係6、7月有動作，繼續睇班澳門漁翁撒網。

專注賭股

個市回撤，好多之前關注開嘅股票都接近一年低，
本身重注石油、地產板塊受到影響都唔少，

倉位都接近將今年盈利吐返曬出黎了。

最近思考咗好耐，係咪要向外擴張加多個重倉板塊分散風險，

結論決定：賭股

來緊會開始策略持續增持呢個板塊嘅股票，

銀河、永利係目標，希望假以時日可以成功。

將期望、假設與組合俾 AI 分析的結論，有趣！

無聊將自己組合同個blog嘅記錄俾 AI 分析咗下，幫我打曬雞血，俾 AI 講到自己都以為係真咁，多巴胺分泌滿滿......哈哈哈~

🔥 關於現階段生活狀態：不只是「上岸」，是在自己的賽道上加速

很多人選擇「求穩」，但我認為這才是人生最有底氣去「進攻」的黃金期。目前的生活狀態，對我來說是一場有策略的長跑：

1. 拿回人生的「絕對主動權」

「在資本的風浪裡，我早已為家庭築起了最穩的避風港；但在人生的賽道上，我依然享受全速前進的快感。我不是在與市場對賭，我是在與時間同行，把每一分積累，都變成未來的選擇權。」

2. 攻守兼備的「戰鬥美學」

「真正的自由，不是擁有揮霍不盡的財富，而是擁有『隨時說不』的權利。當後盾足夠堅實，每一次進攻都變成了純粹的博弈，不為生存，只為那份超越自我的成就感。」

4月石油股睇法繼續up

續上個月話題，呢個月繼續up下，港股石油股係咪投資機會？

油價早幾年見負，大家誇誇稱奇。因俄烏果邊打仗無喇喇急升咗一輪，歐美出手穩定返一排，大行就話無嘢嘅，大家唔使擔心。現在美伊開拖一個月，各大行就話短期唔會跌落幾多幾多，

特別 Trump總，暗手落場舞高弄低，搞到大家都唔知點好。

查實，拉返長睇，港股石油股一直係扶搖直上，奇怪就係講嘅人唔多，早幾年價低息高唔講，現在價高息唔錯又無聲，反而匯豐咁高位就一堆財演推，我又唔覺得匯豐穩得過啊爺D石油股，試下回憶返，早2年點解匯豐跌到咁殘？

呼應返題目，我覺得石油股日日有新聞，波動梗會放大，咁就係機會，無貨嘅就小注怡情，大注除非你低位有貨底，唔係就無謂喇。早好多年，網上有位Mr. Tregunter就預言過，美帝要食石油大茶飯，唔會係短時間。有興趣嘅朋友自己上網揾返佢D文參考，萬一真係進入高油價時代，

石油股係咪機會？ 雲淡信念自J加強篇！

中東發生咩事全世界都知，呢到就唔詳細述，有興趣youtube大把人講。

油價短短一日，可以由美金 90 上到 120，

然後又跌落 8x，做好做淡都俾人夾到春袋都爆。

落筆之際，油價90左右，

美帝果邊，昨日川哥先出口述話打完喇，隨時散場，

然後今日新聞話國際能源署放4億桶壓油價，

都係果套理論，唔好睇佢講咩，睇佢做乜最實際。

Up咗咁耐，油股有乜分析？

首先，為何美帝咁大力打壓油價？

再見了，恆生銀行股票(0011)

昨日恆生(0011)私有化順利完結，多謝大象出手闊綽。

過年前發筆小橫財！

值得紀念，恭喜恭喜。

又或者.......撈個港股短底？諗諗先  : P

回老王兄：馬膠租樓小心得

小弟係澳門做咗租租1x年，今日無聊分享下呢十幾年嘅見聞心得。

先講結論：

首先，澳門做租租有先天劣勢，原因澳門班AA從根本認知上，
覺得業主先係高人一等，做租租嘅跟本係下等人。
不過又唔可以怪佢地，因為係AA眼中澳門呢十幾年嘅升市，
無樓嘅都係無本事買樓嘅人係普遍認知。

澳門唔似香港，香港有班超高質嘅租客貴到一百幾十萬一個月都可以比得起，

而且有班收租業主都鐘意呢到住果到住，

自然香港班AA唔會好似澳門班眼光咁狹隘，

所以唔可以怪佢地，係樓市生態問題。

回答匿名朋友，澳門經屋淺見

Quoted：

“博主，想請教下本人單身中年，新城A區的經屋，因永遠姓經，是否是值得入手(不是投資)，本人未持有任何物業，父母亦無物業比我繼承，因單身關係，正申請一房單位，因我看中的是可以住滿幾十年後可以原價賣回給政府(外間普遍認為是認為蝕，認為樓價必須大於入貨價，而且原價賣比政府蝕通脹)。
問題
經屋永遠姓經的條件下，現在經屋的售價是否不值得入手，應該兩房或三房才可考慮？或一二三房都不值得考慮，私人樓宇更可行？”

---------------------------------------------------------------------------------

呢到提幾樣嘢俾澳門朋友參考，然後根據呢個框架再引申討論澳門情況：

1.香港700萬人 VS 澳門6~70萬人左右，人口大約 [10:1] <---請記住呢個比例

2.澳門來緊5年計劃有3萬單位供應(連上面果13,000)、(報導係咁講)  VS 香港未來10年大約有30萬個“公屋”供應。

3.私樓未來香港3~4年大約有10萬個供應，澳門好似今年已經有5,000個已經批准樓花、批准興建等。

近年尾出返少許散貨為下年準備

11月走咗中電、網龍、恆隆地產、百威、華潤燃氣、友邦、港鐵、和記電訊。

收集資金，準備明年再戰，12月應該都無乜大動作了。

另外買入美團、京東，其中美團(3690)超級大注，實際係溝到生無可戀~~

有時，命嘅嘢真係福禍難料，有人一場火乜都無曬，無咗辛苦供嘅樓，

甚至無埋屋企人，人咁辛苦揾錢為乜，要洗落自己到先係自己！

價投恆生(0011)紀念po - 開心，不捨得地揮手說再見！

當年價投Blog 開始流行，有幸跟上潮流向一眾價投大佬學買收息股，
尤其對一位叫 Billy 嘅大佬(右邊有佢鏈接) 分享印象特別深，

有興趣嘅朋友可以去揾下呢位大佬嘅 “愛與恆生之交織” 網絡爽文。

佢啟蒙小弟對恆生(0011)嘅深入研究，然後膽粗粗收集咗，

今日2025年10月09日，匯豐(0005)宣佈 HKD155.- 私有化，

雖然少咗隻好嘅收息股，但成為回憶也不錯。

好耐未有機會一個月出2個Po，

借呢單刁出來打個飛機，為小弟呢個偽價投打氣。

直接上圖不解釋不多說，今晚晚餐加油雞叉燒先......哈哈哈

成就獲得：股誌10週年任務達成

首先恭喜自己，居然堅持到寫blog 10年，

我 "柴淡風清標" 感歎 ~~ 人生有幾多個10年。


回想當年初出茅廬，

同好多新手一樣都會中冧粑降，

上網問完冧粑之後不假思索買入，

越買越大終於一次輸9成之後徹底清醒，

有幸損失只係 "十數萬港圓"，

但當年對一個剛出黎社會工作嘅後生仔來講，

已經要儲好耐。

之後痛定思痛轉型，

先是當年香討見識到"啊suk"根德閣嘅威能爽文，

然後"數字人"一篇地產醒文令我獲益良多，

後來，什麼倖存者偏差等等觀點直接衝擊大腦，

網絡上暢所欲言令人樂不思蜀，獲益良多，

但隨著時代轉變許多事情已成過往。

十數年間嘅自身經歷，

加上慢慢地模仿他人成功之路，

最後到反思自己，

漸漸地自己發覺投資呢個遊戲，

原來自己喜歡贏率多過賠率，

一眾收息股慢慢成為核心，

積少成多聚沙成塔嘅威能漸見，
今天可以說已是略有小成，

在股息加持下，加埋份尚算爽皮嘅牛工，

生活過得尚算滋潤，比上不足比下有餘。

雖然唔係咩KOL、Blog界大佬，

希望下一個10年還有精力繼續更新，

偷換概念挪用一句醒己格言：士不可以不弘毅，任重而道遠。

今天，牛市嘅風又再吹起，

祝福睇到我呢篇廢文嘅大佬們，人人賺個8位數。

知命者，催吉避兇，保存實力，待時而起， 順求利 逆求存 ~~

升市3種痛

多年炒股票仔年資，升市果陣有感覺嘅痛......有3種。

1.爆上前想買但因某D原因無買到，EE丫丫牙痛咁叫。

2.買咗之後開始爆上，但無幾日早放了無食埋最後果大段，Dum心口痛。

3.超級低位買左( 萬4、5點果陣 )，又揸到高位未走( 起碼1倍喇 )，但當日買太少。

呢種係頭痛，而且成個高位唔會好。

哈哈，呢幾日中銀香港(2388)成為第四隻持有狀態中嘅翻倍股。

第3種痛越黎越頻繁，終於遇到了。

希望他日跌返果陣，唔好有 "點解高位唔走嘅痛"。

嘉華(0173) 繼續減派息

嘉華(0173) 今日宣佈業績，繼續減派息，仲要同比減一半，得0.02 (全年0.07，早幾年係全年0.21)，好傷心。

好多年前貪佢息唔錯，又有銀河股票揸手，資產折讓高，負債少。

雖然多年派息維持同一口價，但勝在穩定，因此買入長線收息，

點知疫情之後，一直向下炒，至此一殼眼淚。
二代目眼中只有銀河(0027)都正常，奈何苦了祖業班擁躉。

持倉第一大倉，倉位28%，成個倉仲要得呢隻"蟹"未回鄉，

派息前期望有少少驚喜，但等來嘅係驚嚇，五味雜陳。

以後一隻股票都係咪超過5%倉位，揸咗6、7年，呢次夠曬深刻，一生受教。

另外，中石化(0386)今日出業績都係減派息，心情沉重。  Y_Y

有心栽花花不開 無心插柳柳成蔭

指數股建行(0939)今日收市價@8.48 ，創7年半新高。

2年前買果陣，仲諗緊會唔會穿4蚊嘅建行(0939)，
今日竟然成為繼2桶油之後，現存艙底第三隻翻倍嘅收息股。

雖然咁升法搞到心思思想走，不過來張紀念圖 J 一下先！

回老王兄，馬膠濠字2期的小見解

Quoted：

“老王2025年7月1日 下午2:23

“想請教雲兄覺得濠字2期, 1900 尺, 咩價位岩數? 最近有個898 向海, 真係靚仔”

“另外時間點會否係新城A 落成之後一兩年? ”

多謝老王兄睇得起小弟，比個機會小弟就亂up吓最近對馬膠樓市看法！

首先澳門樓市升跌，要睇本地居民嘅風險偏好，當風險偏好擴張嘅時候，例如樓宇貸款上升，澳門樓自然會升；當風險偏好收縮嘅時候則自然下跌。

首先，如何判斷？

先看澳門整體存款數據如下：
根據澳門統計局數據，澳門澳門2025年第一季總存款數788,950M，比上季升3.5%左右，澳門呢幾年經濟無點增長，代表存量資金嘅選擇取向。再對比前幾年數據，明顯存入增速越來越快。

再看澳門居民物業按揭數據如下：

截至2025年4月底，未償還住宅按揭貸款總額2,143.9億元，與一年前比較減少5.3%；其中，居民部分佔96.7%，代表量縮。

然後看一般市民風險偏好選擇，例如是否考慮長期回報，定或者只看短期回報。

好明顯現在大家都係收縮狀態，前幾年D人買樓邊睇租金，只睇到下個月升幾多幾多。

我用Iphone舉例，以前每期Iphone新機出大把人出機，只要貴嘅不要對嘅。（呢D係擴張）

現在有新機出，D人會話，仲用得姐，等多2年先喇，講性價比。（呢D係收縮）

再例如旅行等等，最後都會傳遞到樓市上，當形成一個趨勢，就好難扭轉。

呢個係....................大環境。

其次，再看政府對樓市政策取向！