年結 2019

話咁快又一年，睇返( 2018年結 )就一殼眼淚，今年嘅表現喺繼2015年之後最差嘅一年，應咗2018年年結第一句，無咁幸運了。

今年全靠股息頂住，股息收入比上年增加 6.9%，占整體收入 83.8%。炒賣股票收入今年全靠長實(1113)頂住，輸得最多係長和(0001)同莎莎(0178)，最後叫賺少少叫唔使輸住走，占盈利 2.3%，另外嘅13.9%係定期收入。

埋數"落袋計"，慘慘豬比上年少咗成半有多，只係上年條數嘅45%，下年要節衣縮食喇。賬面仲要輸緊，今日計大概係個Pool買入價值嘅 (-12.5%)，下年睇下有無機返家鄉。

目前股票占資產組合 76%，第一持股係大象(0005)，第二係垃圾中石油(0857)，然後就沒有然後了

澳門樓市下年睇好3M以下可以借9成30年左右嘅唐樓仔，香港睇好東涌藍天2房 or 1房。

今年其實個人好懶，希望下年可以有少許改變。

沽出 長實(1113)

早2個禮拜頂唔住個市跌，賣出長和(0001)轉手買返少少長實(1113)，今日決定食舖細胡仔清曬佢，賺返個聖誕禮物錢過聖誕，又再證明我呢盞燈還有D力。

今日出完長實，扣埋手續費成年買賣計，落袋都叫有幾千蚊執下，好彩仲有股息打下飛機，下年估計就無咁好彩lu~ 中石油個氹太大，你老闆!!

手上得返匯豐(0005)同垃圾中石油(0857)過年，好彩呢幾日彈一彈個倉無咁難睇，希望挨到今年結，不過賬面嘢J都無用，而且仲要輸到仆直。

同日清倉 長和(0001) + 買入 長實(1113)

終於【壯士斷臂】，清曬倉入面嘅長和(0001)，呢隻垃圾前年起HKD91蚊開始買，買咗11注到今年嘅HKD73蚊最後一注，尋日HKD72蚊頂你個肺清曬佢無眼睇，呢2年扣咗收息，埋數都輸我成7皮幾嘢，一殼眼淚，呢個月double pay都唔夠填返條數。

跟據我散戶慣性，次次都喺摸底清，所以即刻【騰籠換鳥】入返D長實(1113)壓壓驚，話曬年頭果棍賺都係靠佢。順便增持少少茄薯，準備抱fd大腿(X大神)希望年尾執返D。

雖然有D無聊，但係每月出一po，係上年定落嘅目標，暫時keep到一個月最少一次買/賣嘅......下年睇下又玩D乜自己打飛機先。

沽出 長實(1113)

今日趁升賣出長實(1113)短炒執2蚊，夠食個下午茶好滿足。

最近有留意話題焦點佳明(1271)青衣新盤，雖然賣點幾好，15年內唯一新嘅私人樓盤，呎價唔算太離地，個則都幾好，可惜個斜坡風險太高，風險屬業主而且係無時限，果3千萬維修基金隨時一Po清袋，以後管理費隨時有炸彈。

澳門上星期海上居推買樓送車位，個盤1,100萬車位都值2球變相減價，放幾個盤出黎做完勢第二個禮拜即刻加返30%，下次再減有幾多心急嘅業主落嗒，等花生。

買入 長實(1113)

香港施政報告開文前正係中午食飯時間，一睇到放寬按揭，即刻追咗DD長實(1113)@52.4。

跟據澳門經驗，好懷疑林特係咪玩啊爺，呢頭話源頭係住屋問題，果頭就推樓價。機會喺留俾有準備嘅人，越大嘅波動獲利風險就越高，OK~呢次我跟。

增持 匯豐(0005) 一注

前晚美股跌4百，琴日港股無乜反應已經怪怪地，今日終於開估鳥，你都咪話春江鴨唔犀利！本地地產股今日嘅升幅好恐怖，講真我真係無印象見過一日升咁猛。

前幾日走長實(1113)未買返，咁就錯過一個機會，既然列車已經開動，即刻入注匯豐(0005)跟一跟車，搭唔到快線，都想搭第二架去同一個目的地，希望咪兜咁 遠路喇，大象號。

增持 中石油(0857) 一注

之前中石油(0857)4.15附近入咗幾注即刻艇咗，入多注將平均價溝落5蚊樓下，今日出業績等睇大行演繹。

手頭仲揸住三隻股票全部挨緊價，倉位順序下列。
1.中石油
2.匯豐
3.長和

沽清 長實(1113) 增持現金

早前沽清莎莎(0178)換馬長實(0113)，同今日口價對比，莎莎跌多1X%而長實就升咗少少，算係一次正確操作，結論上填返莎莎輸果條數嘅 1/6，但仍然係一殼眼淚。

黃台之呱嘅 +X哥繼續增持長實，而成哥嘅大雕喺有實力嘅人玩，大家跟唔跟就見仁見智喇，我先暫時退場。

2話. 倖存者偏差 (Survivorship Bias)

第二次世界大戰期間的1941年，美國哥倫比亞大學統計學亞伯拉罕·沃德教授接受美國海軍要求，運用他在統計方面的專業知識給出關於「飛機應該如何加強防護，才能降低被炮火擊落的機率」的建議。沃德教授針對盟軍的轟炸機遭受攻擊後的相關數據，進行分析和研究後發現：機翼是整個飛機中最容易遭受攻擊的位置，但是機尾則是最少被攻擊的位置。因此沃德教授給出的結論是「我們應該強化機尾的防護」，但是美國海軍指揮官認為「應該加強機翼的防護，因為這是最容易被擊中的位置」。

沽清 莎莎(0178) 轉倉 長實(1113)

"匯率操縱國" 呢個詞你都咪話唔得人驚，印象中大陸一直係呢個問題上對美帝有退讓，個市無喇喇1個禮拜跌成2千幾點你都咪話大鱷無收到風。大陸前幾日都仲叫安穩，匯率雖然出過口術話穿7，但都係呢2日先有反應。外資明顯主導呢次港股下跌。

而美帝呢個表態係繼華為個別針對後，高一層去打擊大陸嘅出牌，連我呢個大好友都開始轉向，覺得後市不容樂觀。

經驗教訓股災清倉撈底係天才做嘅嘢，但換貨喺一般勇散保命好法之一。一般玩細股心態喺有閒錢搏o下波幅，股災情況下資金唔走已經偷笑仲玩呢D細股？繼續持有股票數量4隻，壯士斷臂沽清莎莎(0178)全數轉入長實(1113)，我寧願搏長實返70蚊好過搏莎莎返2.6。

對上果次咁做已經係15年果次，慘痛經歷。

雖然股票今年有點悲傷，最怕呢幾日喺股災嘅開始，好似08、15年咁，有排挨，但有危險有機會，機會喺邊？咪.....樓囉，股票輸無乜問題，有柴燒，樓先喺主菜，股票跌得越甘，樓折扣相對會大D。

繼續增持 中石油(0857)

昨日手痕買咗手匯豐，今日又忍唔住喺9點勁假時段，分咗3注買隻垃圾中石油(0857)，1注策略增持，2注睇位短炒睇 4.4 ~ 4.5，過2日派息又可以去J返個賺息輸價傷心下午茶。

匯豐(0005)同長和(0001)都開始有分析出黎J業績，繼續等花生。

都喺颱風累事，次次有颱風都特別早起身。

增持 匯豐(0005) 一注

匯豐(0005)下個月頭又開獎，9月再派息，講咗成年幾嘅回購睇下呢次有無文章先，今日63.80入返手壓壓驚先。我都算對匯豐有信心，買買下原來已經持有17注喺手，還有1注以股代息注。

個市雖然28,000附近，但我個pool同2萬4果陣差唔多，玩開嘅股票幾乎都係有落無上，今年認真難玩，繼續等派息自己J自己，下個月到垃圾中石油(0857)。


最近香港有點風雨，藍色黃色變黑色白色，有人問我乜陣營..........仰天高呼: 沈 陣營

繼續增持 莎莎(178) 一注

之前見跌不斷買，今日見升唔理由唔入，增持返手莎莎(0178)擺下先。

最近追緊一個Youtuber叫"好葉"，打發時間一流。

不知不覺股票去返7成倉。

增持 中石油(0857) 一注

好多股票都好抵買，例如長實(1113)跌返落5x，政治市不宜開太多戰線，終於上個交易日忍唔住手痕，策略增持一注中石油(0857)，繼續觀望。

霍生增持長和(0001)幾日，呢幾日連公司秘書增持果2萬5千股都攞出黎做新聞，有D唔知點嘅感覺。

增持 莎莎(178) 一注

貿易戰傾數大佬未拍板( 大大未去簽就梗未完 )，莎莎(0178)51黃金周無起色，有艇友跳船sasa，星期五策略增持一注繼續坐。數月前某篇回覆中，William T朋友講中有折頭，應該等平D再入貨......但溝貨喺散戶嘅浪漫。

繼續增持 中石油(0857) 一注

美國總統嘴炮就係勁，up句話加厲害了我的國入口稅，港股即刻跌過千點。

撈注中石油(0857)壓壓驚先，呢注喺石油倉入貨價新低，又要行越跌慢溝模式，根據往績記錄唔樂觀，睇黎有排溝，好彩之前出貨長實(1113)還有少許彈藥，最近家誠哥又增持，留意留意。

3萬點 再增持 中石油(0857) 一注

今日睇到個新名詞"龍市"，買注中石油(0857)壓壓驚先。

股友A問點解唔放棄呢隻錯過曬成個升市嘅垃圾股，我總結如下：

首先，業績連續三年有改善，派息又逐步增加，派息比率逐漸下降。其次，油價上年尾俾老美搞一搞跌獲勁之後都升返唔少，頭三個月業績又繼續向好，散戶怒插多過讚好，啊爺A股喺大莊中嘅大莊。最重要喺，個市咁玩法，呢排有錢都唔知買乜好。

今年第一次收股息，多謝匯豐(0005)出個小雙糧，個市又升返上3萬磨下磨下，出返條Link自己J下先，This time is different..

Link: 2018年牛市記錄1

Link: 2018年恆指3萬3記錄

.........

增持 中石油(0857)一注

之前中石油(0857)派成績表，基本符合預期。特哥早日係平台話油貴，俄佬同油組又話唔開會，壞消息一浪浪，買少少壓壓驚先。

最近身邊炒消息股嘅散戶都有贏錢，而且注碼越來越大，但個別有D年資嘅反而無乜斬獲，而且驚慌縮注中，後市如何要再觀察。

增持 莎莎(0178) 一注

最近幾日都set咗口價入貨莎莎(0178)，不過次次差D，今日上午加返少少價遇到良心割愛，下午就papa聲上，希望唔係煙花一陣就玩完。

今日幾隻大嘢公佈業績，而有貨嘅長和(0001) & 中石油(0857)業績算喺對板。現在重倉嘅股票，持倉比例經過呢次業績後，會作為參考調整下。

長和旗下屈臣仔俾策略投資者掛賣，如果口叫價賣得到 (10%股權賣USD10億)，一定可以為估值打口強心針，手持嘅貨仔仲挨緊價未返家鄉有D傷心，睇黎近月都無得平平地再溝貨嚕~

中石油繼續耐心持有，派RMB9分算俾我預期差，等睇聽日市場演繹。

匯豐(0005)今次大息本來想收股票，但喺唔記得落指示，唯有4月肥仔一次先，睇位買返。︿(￣︶￣)︿

增持 莎莎(0178)

最近，個市上上落落，一時牛一時熊，嚇到我尿都bill，買手Sasa(0178)壓壓驚先。

有感，騙徒太多 傻仔明顯唔夠用，繼續食花生。

增持 莎莎國際(0178)

個市bang bang聲上，策略增持。

全數沽出 滬深300(3188) + 買入莎莎(0178)

前日身邊朋友全部在談論股市，好撚驚。見滬深300(3188)總計賬面有微利，呢隻嘢都坐咗頗耐時間，賺個下午茶收手算。

同日買入因新年銷售數據唔好，俾大戶沽低10%嘅莎莎(0178)，以為好撚醒博個撈底，點知身邊有另外三個股友一齊跳上船，記錄中連自己計，有3個一齊上船嘅股票都未試過短期有運行，策略調整每跌3豪紙先撈一注。女人股我不懂，買少少擺下。

雅生活(3319)放入觀察list一日就升10%，唔喺我賺嘅嘢算了，短期剔出觀察。

買入 匯豐(0005)

個市上返2萬8，買入少少匯豐(0005)儲下貨跟住等收息。

個市明顯引咗班散戶入場，究竟呢堆魚毛夠唔夠填大戶嘅胃，拭目以待。

雅生活(3319)列入觀察名單。

清貨 長實(1113) + 中銀HK(2388)

長實(1113) 之前走貨走剩一手情義貨，中銀HK(2388)跟FD買咗一手擺下，今日出曬佢等過年順便喺2月攞個彩添筆贏，搵返個盤菜錢開心下。

個市咁升法好多散戶已經入返場，身邊都幾個喺到問"霖靶"，繼續補充"茄薯"定期收息。

繼續走貨 長實(1113)

有人辭官歸故里，有人連夜趕科場！續走長實(1113)而且大注走，走剩一手，做觀察貨底攞感覺，擇日再戰。

建倉中銀香港(2388) + 策略賣出 長實(1113)

長實(1113)呢幾日識得飛，趁勢賣出2口最貴嘅持貨，市亂增加D現金同加強下股票嘅偽護城河。少許獲利夠食個下午茶，還有4注睇位等食糊。Lee+X大大係年初2號@52.4x同3號@55.8x增持300萬股左右，賬面已經獲利千萬，好勁。

呢排掛住打機都唔記得做記錄，早日跟大神朋友@HKD29.20買入一手中銀香港(2388)建觀察倉。現價HKD28.50坐艇中。手頭持有股票增加到6隻。

2019年第一槍 增持 長和(0001)

昨日增持長和(0001)一手，同澳門警察捉食煙開槍一樣，雖然對個倉無乜作用，但都叫新年第一槍。最近大市成交唔多旺，加埋中美貿易戰影響，睇下有無機會撈返少少擺下先。

石油近月大家有眼睇跌到喊曬口，執筆時中石油(0857)現價HKD4.90已經低過我個石油倉最低果注，由於倉位比較大同控制倉位比例，溝黎都無乜意思，繼續持有等佢上返去算。

長實(1113)最近俾長和表現好，可惜只喺第四倉順位。

策略方面，繼續擇優持有，遲D好價應該會連滬深300(3188)都斬埋。


繼續打Switch 嘅Diablo III 同自己得閒J下呢個斯托克代爾悖論(The Stockdale Paradox)，希望呢個難關快D過。